ސްޓެލްކޯއިން ތޮޔޮ ރައްކާކުރާ މި ޓޭންކްތައް ހެދުމަށް ހަމަޖެހިފައިވަނީ ހުޅުމާލެ ދެވަނަ ފިޔަވަހީގައެވެ. މި ޓޭންކުތައް ޑިޒައިންކޮށް ފެބްރިކޭޓް ކުރުމުގެ މަސައްކަތް ހަވާލުކުރީ އެމްޓީސީސީއާއެވެ.
މި މަސައްކަތުގެ އެއްބަސްވުމުގައި ވަނީ ސޮއިކޮށްފައެވެ. އެމްޓީސީސީގެ ފަރާތުން ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރު (ރިޓަޔާޑް ޑީސީޕީ) އަހުމަދު ސައުދީއެވެ. ސްޓެލްކޯގެ ފަރާތުން ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރު ހުސައިން ފަހުމީއެވެ.
މި ޓޭންކްތަކުގެ ސަބަބުން ސްޓެލްކޯގެ ކަރަންޓުގެ ޑިމާންޑް ޕީކް ގަޑިތަކުގައި ފުއްދުމުގެ ގާބިލްކަން އިތުރުވެ، މުޖުތަމައުއަށް އިތުބާރު ހިފޭ ހަކަތަ ލިބޭނެ މަގު ފަހިވެގެންދާނެކަމަށްް އެ ކުންފުނިން ބުނެއެވެ.
ހުޅުމާލޭގައި ތެޔޮ ރައްކާކުރާ ޓޭންކްތައް ހެދުމުގެ އެއްބަސްވުމުގައި ސްޓެލްކޯއާއި އެމްޓީސީސީން ސޮއިކުރުމުގެ ތެރެއިން
މާލޭ ސަރަހައްދަށް ދޭ ކަރަންޓް ކެޕޭސިޓީ އިތުރުކޮށް ހިދުމަތް ޒަމާނީކުރަން ސްޓެލްކޯއިން އަންނަނީ ގިނަ މަސައްކަތްތަކެއް ކުރަމުންނެވެ. އެގޮތުން މި މަހު ތެރޭގައި ސްމާޓް މީޓަރު ރާއްޖެ ގެނެސް، ރޯދަ މަހުގެ ފަހުން ގޭގޭގައި އެ މީޓަރުތައް ހަރުކުރަން ފަށާނެކަމަށް އެ ކުންފުނިން ވަނީ ބުނެފައެވެ. މި މީޓަރުތަކުގެ ސަބަބުން ކަސްޓަމަރުންނަށް ކޮންމެ 15 މިނެޓަކުން އެއްފަހަރު ކަރަންޓު ބޭނުންކުރެވޭ މިންވަރު ބެލުމުގެ ފުރުސަތު ލިބިގެންދާނެކަަމަށް ސްޓެލްކޯއިން ބުނެއެވެ.
