
އަޒްމިރާލްދާގެ ފިރިކަލުން ޑރ. އިސްމާއިލް ލަތީފް ހައްޔަރު ކުރުމާ ގުޅިގެން، އޭނާ ބަންދުން ދޫކުރުމަށް ކްރިމިނަލް ކޯޓުގެ ގާޒީންނަށް ގުޅައި ނުފޫޒު ފޯރުވި ކަމަށް ތުހުމަތު ކުރެވޭ މައްސަލަ ބެލުމަށް ޖޭއެސްސީން ވަނީ ނިންމާފައެވެ. މި މައްސަލައާ ގުޅޭ އަޑުއެހުންތައް އާންމުކޮށް ހުޅުވާލައިގެން ކުރިއަށް ގެންދިއުމަށް އަޒްމިރާލްދާ އެދިވަޑައިގެންނެވި ނަމަވެސް، ޖޭއެސްސީން ވަނީ އެކަމަށް އިންކާރު ކޮށްފައެވެ.
މި މައްސަލައިގެ އަޑުއެހުން މިއަދު ކުރިއަށް ގެންދަން ތާވަލުކޮށްފައި އޮތް ނަމަވެސް، މިހާރު ވަނީ އެ އަޑުއެހުން ފަސްކޮށްފައެވެ.
ޖުޑީޝަލް ސިސްޓަމުގައި ހާމަކަން ބޮޑު އުސޫލުތައް ގެންގުޅުމުގެ މުހިންމުކަން އަލީ ހުސެއިން ފާހަގަކުރެއްވި އިރު، މުހިންމު ފަނޑިޔާރެއްގެ މައްސަލައެއް ސިއްރުން ބެލުމަކީ ދިވެހިރާއްޖޭގެ ޝަރުއީ ނިޒާމަށް ކުރިމަތިވާ ގޮންޖެހުމެއް ކަމަށް ބައެއް ގާނޫނީ މާހިރުން ދެކޭ ކަމަށްވެސް ފާހަގަކުރެއްވިއެވެ.