ރާއްޖޭގެ ސަރަހައްދުގައި އުފެދިފައިވާ ކޮޅިގަނޑުގެ ސަބަބުން މި ދުވަސްތަކުގައި މޫސުން ގޯސްވެ، ބޯކޮށް ވާރޭވެހުން އެކަށީގެންވާ ކަމަށް މެޓުން ބުނެފައިވެއެވެ.
މީގެ އިތުރުން މާދަމާ އުތުރާއި މެދުރާއްޖެތެރޭގެ އަތޮޅުތަކަށް ގުގުރުމާއެކު ވިއްސާރަ ކުރާއިރު، ދެކުނުގެ އަތޮޅުތަކަށްވެސް ވިއްސާރަ ކުރާނެކަމަށް ލަފާކޮށްފައިވެއެވެ.
ބުދަ ދުވަހުގެ މޫސުމަށް ބަލާއިރު، މެޓުން ލަފާކޮށްފައިވަނީ އުތުރާއި މެދުރާއްޖެތެރޭގެ އަތޮޅުތަކަށް ގުގުރުމާއެކު ވިއްސާރަ ކުރާނެ ކަމަށެވެ. އަދި އެދުވަހު ދެކުނުގެ އަތޮޅުތަކަށް ކެރީގެ އަސަރު ކުރާނެކަމަށްވެސް ލަފާކުރެއެވެ. ބުރާސްފަތި ދުވަހަށް ބަލާއިރު މުޅި ރާއްޖެއަށް ކެރީގެ އަސަރު ކުރާނެކަމަށް މެޓުން ބުނެފައިވެއެވެ.
މޫސުން ގޯސްވުމާ ގުޅިގެން ކަނޑުދަތުރުފަތުރާއި އެހެނިހެން މަސައްކަތްތައް ކުރާ ފަރާތްތަކަށް ހުރިހާ އަތޮޅުތަކެއްގައިވެސް މޫސުމަށް ހާއްސަ ސަމާލުކަމެއް ދިނުމަށް މެޓުން އިލްތިމާސްކޮށްފައިވެއެވެ. އަދި މޫސުން ގޯސްވަމުން އަންނާތީ، ދަތުރުފަތުރާއި މަސްވެރިކަން ފަދަ ކަންކަމުގައި އިތުރު ސަމާލުކަމެއް ބެހެއްޓުމަށް މެޓުން އެދިފައިވެއެވެ.
