ads
މޫސުން ގޯސް ދުވަހެއް: ފޮޓޯ އޭއޯ
ބުރާސްފަތި ދުވަހާއި ހަމައަށް މޫސުން ގޯސްވާނެ: މެޓް
މިއަދުން ފެށިގެން ބުރާސްފަތި ދުވަހާ ހަމައަށް ރާއްޖޭގެ މޫސުން ގޯސްވާނެކަމަށް، މޫސުމާއި ބެހޭ ގައުމީ އިދާރާ (މެޓް) އިން ބުނެފިއެވެ.
Advertisement

މެޓުން މިއަދު އުތުރު ސަރަހައްދަށް ވައިޓް އެލާޓް ނެރެފައިވާއިރު، ވިއްސާރައާއި ގުގުރުމުގެ އަސަރު މުޅި ރާއްޖެއަށް ކުރާނެ ކަމަށް ބުނެފައިވެއެވެ.

މެޓުން ނެރުނު ވައިޓް އެލާޓް ދެމިގެންދާނީ ހއ. އަތޮޅުން ފެށިގެން ޅ. އަތޮޅަށް ހެނދުނު 11:30 އިން ހަވީރު 5:30 އާ ހަމައަށެވެ. މެޓުން ބުނީ ރާއްޖޭގެ އިރުމަތީގައި އުފެދިފައިވާ ކޮޅިގަނޑެއް މަޑުމަޑުން ހުޅަނގަށް ޖެހޭތީ ކުރާނެ އަސަރެއްގެ ގޮތުން މިއަދާއި މާދަމާ ރާއްޖޭގެ އެކި ސަރަހައްދުތަކަށް ގުގުރުމާއެކު ވިއްސާރަ ކުރާނެ ކަމަށެވެ.

މާދަމާގެ މޫސުމަށް ބަލާއިރު، އުތުރާއި މެދުރާއްޖެތެރޭގެ އަތޮޅުތަކަށް ގުގުރުމާއެކު ވިއްސާރަ ކުރާނެ ކަމަށް ލަފާކުރެވޭއިރު، ދެކުނުގެ އަތޮޅުތަކަށް ވިއްސާރަ ކުރާނެކަމަށް މެޓުން ބުނެފައިވެއެވެ. އަދި ބުދަ ދުވަހު ވެސް އުތުރާއި މެދުރާއްޖެތެރޭގެ އަތޮޅުތަކަށް ގުގުރުމާއެކު ވިއްސާރަ ކުރާނެ ކަމަށާއި، ދެކުނުގެ އަތޮޅުތަކަށް ކެރީގެ އަސަރު ކުރާނެ ކަމަށްވެސް މެޓުން ހާމަކޮށްފައިވެއެވެ.

ބުރާސްފަތި ދުވަހުގެ މޫސުމަށް ބަލާއިރު މުޅި ރާއްޖެއަށް ކެރީގެ އަސަރު ކުރާނެ ކަމަށް މެޓުން ބުނެފައިވެއެވެ. މިފަދަ ގޯސް މޫސުމުގައި ކަނޑުމަތި ގަދަވެ، ރާޅު ބޮޑުވެފައި ހުންނާނެ ކަމަށްވާތީ، ކަނޑުދަތުރުކުރާ އުޅަނދުފަހަރުގެ ފަޅުވެރިންނާއި ދަތުރުވެރިން ސަމާލުވުމަށް މެޓުން އިލްތިމާސްކޮށްފައިވެއެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް