ނަގޫރޯޅިއެއް
ވެލިދޫއަށް ނަގޫރޯޅިއެއް އަރައި އަނިޔާ ލިބުނު މީހުން އިތުރު ފަރުވާއަށް ގެންގޮސްފި
ގުފްތަގް އަޖީރު
11 މާރޗް 2025 - 14:12:59
ނ. ވެލިދޫއަށް ރޭ ނަގޫރޯޅިއެއް އަރައި ތިން މީހަކަށް އަނިޔާވެ، ދެ މީހަކު އިތުރު ފަރުވާއަށް ގެންދަން ޖެހިއްޖެއެވެ.
Advertisement
ނަގޫރޯޅި އެރީ ރޭ 22:29 ހާއިރުއެވެ. އަނިޔާވި 2 މީހުން އިތުރު ފަރުވާއަށް އެއަތޮޅު މަނަދޫއަށް ވެސް ގެންދަން ޖެހުނެވެ.
ވެލިދޫ ކައުންސިލްގެ ރައީސް އާތިފް ހުސެން މިއަދު ސީއެންއެމްއަށް ވިދަޅުވީ، ނަގޫރޯޅި އަރާފައިވަނީ ވެލިދޫގައި ހުންނަ އާރުޑީސީގެ ސައިޓާއި ދިމާލާކަމަށެވެ.
"ބައެއް އެއްޗެހު ވިއްސައިގެން ގޮސް މީހުންގެ ގައިގައި ޖެހުމުގެ ސަބަބުން ދެ މީހަކު އިތުރު ފަރުވާއަށް މަނަދޫއަށް ގެންދަން ޖެހުނު،" ކަމަށް ކައުންސިލްގެ ރައީސް ވިދާޅުވިއެވެ.
ވެލިދޫ ކައުންސިލް ރައީސް ވިދާޅުވީ ގިނަ ބަޔަކަށް ގެއްލުން ނުލިބުނީ ނަގޫރޯޅި އެރި ހުސާބަކީ މީހުން ދިރިއުޅޭ ހިސާބާ ދުރުގަ އޮންނަ ތަނެއްވީމައިކަމަށެވެ.
ރޭގެ ހާދިސާގައި އާރުޑީސީގެ ސައުޓުފެ ފުރާޅު އެއްކޮށް ވަނީ އެއްލައިލައިފައެވެ.
މެޓުން ވަނީ ރާއްޖޭގެ މޫސުން ކުރިއަށް އޮތް ބުރާސްފަތި ދުވަހާއި ހަމައަށް ގޯސްވާނެކަމަށް ބުނެފައެވެ. އަދި މޫސުމަށް ސަމާލުވުމަށް އިލްތިމާސްކޮށްފައެވެ.
0%
ކަމުގޮސްފި
85%
އަޑުއެހިތާ މިހުރީ
10%
ސަތޭކައަކުން ސުމެއް
5%
ވަރަށް ސަލާމް
ކޮމެންޓްސް
