
އަޒާން އެކްސްގައި ކުރެއްވި ޕޯސްޓެއްގައި ވިދާޅުވީ މިއަހަރުގެ ބަޖެޓް ކޭޝްފްލޯ ޕްލޭންގައިވާ ގޮތުން ފެބްރުއަރީ މަހުގެ ނިޔަލަށް އާމްދަނީގެ ގޮތުގައި 9.1 ބިލިއަން ރުފިޔާ ލިބޭނެ ކަމަށް ސަރުކާރުން ލަފާކޮށްފައިވާކަމަށެވެ. އެހެންނަމަވެސް ހަގީގީ އާމްދަނީ ހުރީ 5.5 ބިލިއަން ރުފިޔާގައި ކަމަށާއި އެއީ 3.6 ބިލިއަން ރުފިޔާ (އަންދާޒާކުރި މިންވަރަށް ވުރެ 39.5 ޕަސެންޓް ދަށް)ގެ ދަށްވުމެއް ކަން އަޒާން ފާހަގަކުރެއްވިއެވެ.
ހިލޭ އެހީގެ ގޮތުގައި 408 މިލިއަން ރުފިޔާ ލިބޭނެކަމަށް ސަރުކާރުން ލަފާކުރި ނަމަވެސް މިހާތަނަށް ލިބުނީ އެންމެ 40 މިލިއަން ރުފިޔާކަމަށްވެސް އަޒާން ވިދާޅުވިއެވެ. އަދީ މީ އަންދާޒާކުރި ވަރަރަށްވުރެ 90 އިންސައްތަ ދަށް އަދެއްކަންވެސް އަޒާން ވަނީ ފާހަގަކުރައްވާފައެވެ.
މީގެއިތުރުން ބޭރުގެ ލޯނުގެ ގޮތުގައި 664 މިލިއަން ރުފިޔާ ލިބޭނެކަމަށް އަބްދާޒާކުރި ނަމަވެސް ލިބުނީ އެންމެ 300،000 ޑޮލަރުކަމަށްވެސް އަޒާން ވިދާޅުވިއެވެ. އަޒާން ވަނީ ސަރުކާރުން ހަރަދު ކުޑަކުރުމަށް ފިޔަވަޅުތައް އެޅުމަށް ގޮވާލާފައެވެ.
ރައްޔިތުން މަޖލީހުގެ މާލިއްޔަތު ކޮމެޓީގައި ކުރިން އިންނެވި އަޒާން ދާދި ފަހުން ވަނީ އެ ކޮމެޓީން ވަކިކޮށްފައެވެ. އޭނާ އެ ކޮމެޓީން ވަކިކޮށް މަޖިލީޙުގެ އާދައިގެ ކޮމެޓީއަކަށް ބަދަލަުކުރީ ސްޕްރީމް ކޯޓް ބެންޗު ބަދަލުކުރުމަށް ހުށައެޅި ބިލަށް ސަރުކާރުން އެދުނު ގޮތަށް ވޯޓް ނުދި މަޖލިސް ދޫކޮށް ނުކުތާއި ގުޅިގެންނެނެވެ.