މި ހަރަކާތްތައް ބާއްވާނީ ހުޅުމާލޭގެ އެކި ސަރަހައްދުތަކުގައި ރޯދަ މަހުގެ އެކި ދުވަސްތަކުގައެވެ.
މި އަހަރުގެ ފުރަތަމަ "އަވައްޓެރި ރޯދަ ވީއްލުން" ބޭއްވުމަށް ހަމަޖެހިފައިވަނީ މާޗް 15 ވާ ހޮނިހިރު ދުވަހު ހުޅުމާލެ ފޭސް 1 ގެ ހުރަވީ ސްކޫލު ކުރިމަތީގައި އޮންނަ ރަނައުރާ މަގުގައެވެ. މި ހަރަކާތް ކުރިއަށް ގެންދާނީ ހުޅުމާލޭގައި ދިރިއުޅޭ ރައްޔިތުންނާއި އެޗްޑީސީ އަދި ހުޅުމާލޭގެ ނެއިބަހުޑް ޕޮލިސް ގުޅިގެންނެވެ.
މި ރޯދަ ވީއްލުމުގެ ހަރަކާތުގެ އަސްލު މަގުސަދަކީ ދިވެހިންގެ މެދުގައި ޒަމާނުއްސުރެ އޮންނަ އެކުވެރިކަމާއި އެއްބައިވަންތަކަން އާލާކޮށް ދިރުވުމެވެ. އެޗްޑީސީއިން މަސައްކަތް ކުރަނީ ހުޅުމާލެއަކީ ގުޅުން ބަދަހި، ރައްޔިތުން އެކުވެރިކަމާއެކު ދިރިއުޅޭ ހިތްފަސޭހަ ތަނަކަށް ހެދުމަށެވެ. އަދި ކުރިއަށް އޮތްތަނުގައިވެސް ހުޅުމާލޭގެ ރައްޔިތުންނާ ގުޅިގެން މިފަދަ ގިނަ ހަރަކާތްތަކެއް ކުރިއަށް ގެންދިއުމުގެ އަމާޒު އެޗްޑީސީން ބަހައްޓާފައިވެއެވެ.
