މިކަން އިއުލާނުކުރުމަށް މުންބާއީގައި ބޭއްވުނު މިހަފްލާގައި ގާތް އެކުވެރިންނާއި ޢާއިލާގެ މެންބަރުން ބައިވެރިވިއެވެ.
ހަފްލާގައި ވާހަކަދައްކަމުން އާމިރު ބުނީ ގައުރީއަކީ އޭނާގެ "ލައިފް ޕާޓްނާ" ކަމަށާއި، އެ ދެމީހުން ވަރަށް ގިނަ ދުވަހު ގުޅުން ބަދަހިކޮށްގެން އުޅެމުން އަންނަކަމަށެވެ.
ގައުރީ ސްޕްރެޓްއާ ބެހޭ ގިނަ މައުލޫމާތެއް ނުހާތަނަށް މީޑިއާތަކަށް ލިބިފައެއް ނުވެއެވެ. ނަމަވެސް، އެނގިފައިވާ ގޮތުގައި އޭނާއަކީ އެންޓަޓެއިންމަންޓް އިންޑަސްޓްރީގައި ފަދާ ފުރަގަހުން މަސައްކަތްކުރާ ކްރިއޭޓިވް ޕްރޮފެޝަނަލެކެވެ. މި ދެމީހުންގެ ގުޅުން ވަނީ އެކުވެރިކަމުގެ ސިފައިން ފެށި ދެން ލޯބީގެ ގުޅުމަކަށް ބަދަލުވެފައެވެ.
އާމިރު ހާން މީގެ ކުރިން ރީނާ ދައްތާ އަދި ކިރަން ރާއޯއާ ވެސް ކައިވެނިކޮށްފައިވެއެވެ. އޭނާ ބުނެފައިވަނީ މި ކައިވެނި އަމިއްލަ ދިރިއުޅުމުގެ ކަންކަން މާގިނައިން ހާމަނުކުރުމުގެ ސްޓައިލަށް ފެތޭގޮތަށް ޕްރައިވެޓްކޮށް ބާއްވާނެ ކަމަށެވެ. ފިލްމީ ދުނިޔޭގެ "ޕާފެކްޝަނިސްޓް" ކަމަށް މަޝްހޫރު އާމިރު ހާންގެ އުފާވެރި ހަބަރާއެކު ފޭސްބުކް އަދި އެކްސް ފަދަ ސޯޝަލް މީޑިއާގައި #AamirAt60 ޓްރެންޑްވެފައިވެއެވެ.
