އަދަދު ނޫހުން މިރޭ ނެރުނު ބަޔާނެއްގައި ބުނީ ރައީސް ޑރ. މުހައްމަދު މުއިއްޒު ރޭގެ 19:04 ގައި އެނޫހުގެ އަދި ސީ.އީ.އޯ، ހުސައިން ފިޔާޒު މޫސާއަށް ގުޅުއްވައި ބިރު ދައްކަވައި އިންޒާރު ދެއްވާފއިވާކަމަށެވެ.
އެ ބަޔާނުގައި ބުނީ ރައީސް، ހުސައިން ފިޔާޒު މޫސާއަށް ގުޅުއްވީ، އެމްޑީޕީގެ އެއްވުމެއްގައި އެ ޕާޓީގެ މެމްބަރަކު ރައީސުލްޖުމްހޫރިއްޔާގެ އާއިލާގެ ބޭފުޅަކާ ބެހޭ ގޮތުން ވާހަކަ ދައްކަވާފައިވާތީ އެކަމާ ކޯފާވެގެ ކަމަށެވެ. އެ އެއްވުމުގައި ދެކެނު ވާހަކަ އަދަދު ނޫހުން ރިޕޯޓްކޮށްފައިވެސް ނުވާނެކަމަށާއި އެ މައްސަލައާ ގުޅިގެން އެންމެ ފުރަތަމަވެސް ހަބަރެއް ޝާއިއު ކުރީ އެކަން ކުށްވެރިކޮށް ސަރުކާރުގެ އިސްބޭފުޅުން ދެއްކެވި ވާހަކައިންކަމަށް އަދަދު ނޫހުން ނެރުނު ބަޔާނުގައިވެ އެވެ.
ރައީސް ނޫސްވެރިޔާ ހުސެއިން ފިޔާޒު މޫސާއަށް ގުޅުއްވައި ދެއްވީ އަދަދު ނޫހާ މެދު އަދި ހުސެއިން ފިޔާޒު މޫސާއާ މެދު އެޅުއްވެން އޮތް އެންމެ ހަރުކަށި ފިޔަވަޅު އަޅުއްވާނެކަމުގެ އިންޒާރުކަމަށްވެސް އަދަދު ނޫހުން ނެރުނު ބަޔާނުގައިވެއެވެ.
އަދަދު ނޫހުން ބުނީ މިނިވަން މީޑއާއެއްގެ ހައިސިއްޔަތުން އެ ނޫހުން ކުރަމުން ގެންދާ މަސައްކަތަކީ ކަންކަމުގެ ތެދުދޮގު ބަލައި ހާމަކުރުންކަމަށެވެ. އަދި ހަބަރު ޝާއިކުރަނީ ހަބަރެއްގައި ލިޔާ ވާހަކައެއްގައި އެކަމެއް ރައްދުވާ ފަރާތަކަށް ބަހެއް ބުނުމަށް ފުރުސަތު ދިނުމަށްފަހުކަމަށްވެސް އަދަދު ނޫހުން ބުނެ އެވެ.
ރައީސްގެ ބޭފުޅުންނާ ގުޅޭ ގޮތުން ދެއްކި ވާހަކަތަކާ ގުޅިގެން އެމްޑީޕީގެ ޗެއާޕާސަން ފައްޔާޒް އިސްމާއީލާއި ޕާޓީގެ އެކްޓިވިސްޓެއް ކަމަށްވާ މަރިޔަމް ޒުބެއިރު (މަންދީ)ގެ މައްޗަށެވެ. މީގެ އިތުރުން އެމްޑީޕީގެ މައްޗަށްވެސް ދައުވާކުރަން ރައީސްގެ އާއިލާއިން ވަނީ ނިންމަވާފަ އެވެ.
