ސަމޯއާ އެއްބަސްވުމުގައި ރާއްޖޭގެ ފަރާތުން ސަފީރު ގީލާ އަލީ ސޮއިކުރައްވަނީ -- ފޮޓޯ: ފޮރިން މިނިސްޓްރީ
ޑެންމާކަށް ސަފީރުކަމަށް ގީލާ އަލީ އައްޔަނުކުރަން ހާރިޖީ ކޮމިޓީން ފާސްކޮށްފި
ގުފްތަގް އަޖީރު
18 މާރޗް 2025 - 23:56:40
ދިވެހިރާއްޖެއިން ޑެންމާކަށް ކަނޑައަޅާ ސަފީރުކަމަށް ގީލާ އަލީ އައްޔަނުކުރަން ފެންނަ ކަމަށް ރައްޔިތުންގެ މަޖިލީހުގެ ހާރިޖީ ގުޅުންތަކުގެ ކޮމިޓީން މިއަދު ބޭއްވި ބައްދަލުވުމުގައި ވަނީ ފާސްކޮށްފިއެވެ.
Advertisement
މިކަން ފާސްކުރީ ވޯޓުގައި ބައިވެރިވި މެންބަރުންގެ އިއްތިފާގުންނެވެ.
ގީލާ އަލީގެ ނަން މި މަގާމަށް ރުހުން ހޯދުމަށް ރައީސް ޑރ. މުހައްމަދު މުއިއްޒު ވަނީ އިއްޔެ މަޖިލީހަށް ފޮނުއްވާފައެވެ. މިގޮތުން ގީލާއަކީ މިހާރުވެސް ކިންގްޑޮމް އޮފް ބެލްޖިއަމްއަށް ރާއްޖެއިން ކަނޑައަޅުއްވާފައި ހުންނެވި ސަފީރެވެ. މަޖިލީހުގެ ތަޅުމުން މި މައްސަލަ ދިރާސާކުރުމަށް ވަނީ ހާރިޖީ ގުޅުންތަކުގެ ކޮމިޓީއަށް ފޮނުވާފައެވެ.
ޑެންމާކަށް ކަނޑައަޅާ ސަފީރަކީ ނޮން-ރެސިޑެންޓް ސަފީރެއްގެ ގޮތުގައި މަސައްކަތްކުރާނެ ފަރާތެކެވެ. މިއާއެކު، ގީލާ އަލީގެ ނަން މަޖިލީހުގެ ތަޅުމަށް ގޮސް، ފުރިހަމަ ރުހުން ލިބުމުން އޭނާ ވާނީ ދިވެހިރާއްޖެއިން ޑެންމާކަށް ކަނޑައަޅާ ސަފީރަށެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
