އާމިރު ހާން ބުނިގޮތުގައި އޭނާއާއި ގައުރީއާ ދެމެދު 25 އަހަރު ކުރިން ރަހުމަތްތެރިކަމުގެ ގުޅުމެއް އޮތްނަމަވެސް، ގިނަ ދުވަސްތަކަކަށް އެ ދެމީހުން ތިބީ ދުރުގައެވެ. މިހާރު އެ ދެމީހުން 18 މަސް ދުވަސް ވަންދެން ޑޭޓް ކުރަމުން ދިޔަކަން އާމިރު ހާން ހާމަކޮށްފައިވެއެވެ.
އާމިރު ހާން އޭނާގެ އުފަންދުވަހުގެ ކުރިން ބޭއްވި ހަފްލާއެއްގައި ގައުރީ ސްޕްރެޓް މީޑިއާއަށް ތައާރަފުކޮށްދިނެވެ.
އާމިރު ހާންގެ ދައްތަ ނިކަތު ހެގްޑޭ ވަނީ ގައުރީއަކީ ވަރަށް ރަނގަޅު ކުއްޖެއަށްކަމަށް ބުނެ، އެ ދެމީހުންގެ ގުޅުމަށް ތާއީދުކޮށްފައެވެ.
އާމިރު ހާން އޭނާގެ އާ ގުޅުން ހާމަކުރުމަށްފަހު، އޭނާގެ ކުރީގެ އަނބިން ކަމަށްވާ ރީނާ ދައްތާ އަދި ކިރަން ރާއޯއާއެކު އިރުފާން ޕަތާންގެ އުފަންދުވަހުގެ ޕާޓީއެއްގައި ފެނިފައިވެއެވެ.
ގައުރީ ސްޕްރެޓްއަކީ ބެންގަލޫރުގެ މީހެއް ކަމަށާއި އޭނާގެ 6 އަހަރުގެ ދަރިއެއް ހުރިކަމަށް ރިޕޯޓުތައް ބުނެއެވެ.
