މިއަދު ފާހަގަކުރާ ބައިނަލްއަގުވާމީ ޑައުންސިންޑްރޮމް ދުވަހާ ގުޅިގެން އެކްސްގައި ކުރެއްވި ޕޯސްޓެއްގައި ރައީސް މި ވާހަކަ ފާހަގަކުރެއްވިއެވެ.
ރައީސް މުއިއްޒު ވިދާޅުވީ އޯގާތެރިކަމާއި އެހީތެރިކަމުގައި ދިވެހިންނަކީ ލާމަސީލު ނަމޫނާއެއް ކަމަށެވެ. އަދި މުޖުތަމައުގެ ހާއްސަ އަޅާލުމާއި ލޯބި ބޭނުންވާ ކޮންމެ ކުއްޖަކާއި އާއިލާއަކަށް ސަރުކާރުން އަޅާލާނެ ކަމަށް ރައީސް އިތުރަށް ވިދާޅުވިއެވެ.
ޑައުންސިންޑްރޮމްއަކީ ހަށިގަނޑުގައި އިތުރު ކްރޮމޮސޯމެއް ހުރުމުން ދިމާވާ ސިއްހީ ހާލަތެކެވެ. މި ހާލަތު ހުންނަ ކުދިންގެ އެކި ސިއްހީ މައްސަލަތަކާއި ސިކުނޑީގެ މައްސަލަތައް ހުރެއެވެ. ރާއްޖޭގައި ޑައުންސިންޑްރޮމް ހުންނަ މީހުންގެ ސީދާ އަދަދެއް ނޭނގުނު ނަމަވެސް، އަންދާޒާކުރެވިފައިވާ ގޮތުގައި 100 އަށް ވުރެ ގިނަ މީހުން މި ހާލަތުގައި ރާއްޖޭގައި އުޅެއެވެ.
ބައިނަލްއަގުވާމީ ޑައުންސިންޑްރޮމް ދުވަހަކީ ކޮންމެ އަހަރެއްގެ މާރިޗު 21 ވަނަ ދުވަހު ފާހަގަކުރާ ދުވަހެކެވެ. މި ދުވަހުގެ މަގުސަދަކީ ޑައުންސިންޑްރޮމް ހުންނަ މީހުންނާ މެދު ހޭލުންތެރިކަން އިތުރުކޮށް، އެމީހުންގެ ހައްގުތައް ހިމާޔަތްކުރުމެވެ.
