ads
ކުޑަ އީދުގެ ކުޅިވަރު އެއްބަސްވުމުގައި ސޮއިކުރަނީ
ކުޑައީދުގައި މާލޭގައި ބަނޑިޔާ ޖެހުމާއި ތާރަ ޖެހުން
މާލެ ސިޓީގައި މި އަހަރު ވެސް ކުޑަ އީދު ކުލަގަދަކޮށް ފާހަގަ ކުރުމަށް މާލެ ސިޓީ ކައުންސިލުން ނިންމައިފިއެވެ.
Advertisement

މި އަހަރުގެ ކުޑަ އީދުގެ ކުޅިވަރުތައް ''ސާދަ އެންޓަޓައިމަންޓް'' އާ ގުޅިގެން ކުރިއަށް ގެންދިއުމަށް މާލެ ސިޓީ ކައުންސިލުން ވަނީ،  އެއްބަސްވުމުގައި  ސޮއިކޮށްފައިވާކަމަށް ސިޓީ ކައުންސިލުން ބުނެއެވެ. 

މާލެ ސިޓީ ކައުންސިލްގެ ފަރާތުން، މި އެއްބަސް ވުމުގައި ސޮއިކުރެއްވީ، މޭޔަރު އާދަމް އާޒިމްއެވެ. އަދި މި އެބަސްވުމުގައި ''ސާދަ އެންޓަޓައިމަންޓު''ގެ ފަރާތުން ސޮއިކުރެއްވީ، މެނޭޖިން ޑިރެކްޓަރު ޖަޒުލާން ޝަރީފެވެ.

ކުޑަ އީދުގެ ހަރަކާތްތައް ފެށުމަށް ހަމަޖެހިފައިވަނީ، އީދު ދުވަހުގެ ހަވީރު 4:00 ގައި ބޮޑު މަހުގެ ކުޅިވަރުތަކުންކަަމަށް ކައުންސިލުން ބުނެއެވެ. ރަސްފަނުން ފެށުމަށް ހަމަޖެހިފައިވާ މި ކުޅިވަރު، މަޖީދީ މަގުން ގޮސް ނިންމާނީ އާޓީފިޝަލް ބީޗަށެވެ.

އީދުގެ ފުރަތަމަ ދުވަހަށް ފަހު، އީދު ބަންދު ތިން ދުވަހު، އާޓިފިޝަލް ބީޗްގައި ވެސް ''ސާދަ އެންޓަޓައިމަންޓުން''  ސަގާފީ ފެސްޓިވަލެއް ކުރިއަށް ގެންދިއުމަށް ނިންމައިފައިވާކަމަށް ސިޓީ ކައުންސިލުން ބުނެއެވެ.. އެ ގޮތުން އެ ތިން ދުވަހުގެ ހަވީރާއި ރޭ ގަނޑު ވެސް މި ހަރަކާތްތައް ކުރިއަށް ގެންދިއުމަށް ރާވާފައިވާކަމަށް ކައުންސިލުން ބުނެއެވެ.

މި ފެސްޓިވަލްގައި، ސަގާފީ ގޮތުން ކުޅެމުން އަންނަ ބައެއް ކުޅިވަރުތައް ކަމަށްވާ، ބަނޑިއާ ޖެހުމާއި ތާރަޖެހުން އަދި ބޮޑުބެރު ޖެހުން ފަދަ ކުޅިވަރުތައް ކުޅޭ ފަރާތްތަކަށް ބައިވެރިވުމުގެ ފުރުސަތު ދޭން ، ސާދަ އެންޓަޓައިމަންޓުން  ހުޅުވާލައިފައިވާކަމަށް މާލޭ ސިޓީ ކައުންސިލުން ބުނެއެވެ. 

މީގެ އިތުރުން ކުޑަ ކުދިންގެ ހަވީރަކާއި މިއުޒިކް ޝޯއެއްވެސް، އިދުގެ ބަންދު ދުވަސްތަކުގައި އާޓިފިޝަލް ބީޗުގައި ކުރިއަށް ގެންދިއުމަށް ''ސާދަ އެންޓަޓައިމަންޓުން''  ނިންމައިފައިވާކަމަށް ކައުންސިލުން ބުނެއެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް