ads
މަފާޒް
14 އަހަރު ވަންދެން ލޮލުގެ ބަލީގެ ވޭނުގައި: މަފާޒު އެދެނީ އެހީއަށް
ގއ. ކަނޑުހުޅުދޫ ހަނދުވަރުދޭގޭ މުހައްމަދު މަފާޒް މައުސޫމް ލޮލުގެ ބަލީގެ ވޭނުގައި 14 އަހަރު ވަންދެން އުޅެމުން ދާއިރު، އޭނާގެ ފަރުވާއަށް އާއިލާއިން ވަނީ އާންމުންގެ އެހީތެރިކަމަށް އެދިއްޖެއެވެ.
Advertisement

މަފާޒަށް ޖެހިފައިވަނީ ދުނިޔޭގައި މަދުން ނޫނީ ނުފެންނަ ބައްޔެއް ކަމަށްވާ "ކެރަޓޯކޮންޖަންކްޓިވައިޓިސް" އެވެ. މި ބަލީގައި ލޮލުގެ ސާފު ކުރިމަތީ ބައި (ކޯނިއާ) އާއި ލޮލުގެ ހުދު ބައި (ކޮންޖަންކްޓިވާ) ނިވާކުރާ ތުނި ފަށަލަ "އިންފްލެމޭޓް" ވެއެވެ.

އުމުރުން 15 އަހަރުގެ މަފާޒުގެ ބޭސްފަރުވާއަށް މިހާތަނަށް އިންޑިއާއަށް 28 ފަހަރު ދަތުރުކޮށް، 17 އޮޕަރޭޝަން ކުރެވިފައިވާ ކަމަށް އާއިލާއިން ބުނެއެވެ. އިންޑިއާގެ ޑޮކްޓަރުން ވަނީ މަފާޒުގެ އަނގައިން ޓިޝޫ ނަގައި އޭނާގެ ލޮލަށް ލައްވާފައެވެ. ނަމަވެސް އޭގެ ސަބަބުން ލޮލުގައި އިންފެކްޝަން އުފެދި ލޯ އިތުރަށް ސަކަރާތްވެފައިވެއެވެ. މިކަމާ ގުޅިގެން އާއިލާއިން ނިންމީ ބެންކޮކުން މަފާޒަށް ބޭސްކުރުމަށެވެ.

ބެންކޮކުގެ ޑޮކްޓަރުންގެ ފަރުވާއިން މަފާޒުގެ ލޮލުގެ ފެނުން އެނބުރި އަންނަން ފަށައިފިއެވެ. މިހާރު އޭނާގެ އެއްލޮލުގެ ފެނުން 71 ޕަސަންޓު ލިބިފައިވާއިރު އަނެއް ލޮލުގެ 50 ޕަސަންޓު ރަނގަޅުވެފައިވެއެވެ. ނަމަވެސް ލޮލަށް ލައްވާފައިވާ ޓިޝޫގަނޑު ކޮންޓްރޯލް ނުވާތީ، އޮޕަރޭޝަން ކުރުމަށް ދަތިތަކެއް ދިމާވެފައިވެއެވެ. ޑޮކްޓަރުން ބުނާގޮތުގައި ޓިޝޫ ކޮންޓްރޯލް ނުވަނީސް އޮޕަރޭޝަން ކޮށްފިނަމަ، ލޮލުގެ އެސްފިޔަ ހަރަކާތެއް ނުކުރާނެއެވެ.

ކޮންމެ ތިން މަހަކުން ތިން މަހަކުން ބެންކޮކަށް ގޮސް މަފާޒުގެ ލޯ އޮޕަރޭޝަން ކުރެވޭތޯ ބަލަން ޖެހޭތީ، އާއިލާއިން ވަނީ މާލީ ދަތިކަމާ ކުރިމަތިލާންޖެހިފައެވެ. މަފާޒުގެ މައިންބަފައިން ދަނީ ޖާނާއި މާލުން ގުރުބާންވަމުންނެވެ. މި އޮޕަރޭޝަން ނުކޮށް ލަސްވާނަމަ، އޭނާގެ ލޮލުގެ ފެނުން މަޑުމަޑުން އަނެއްކާވެސް ގެއްލޭނެ ކަމަށް ޑޮކްޓަރުން ބުނެއެވެ. މޮޅަށް ކިޔަވާ ދަރިވަރެއްކަމަށްވާ މަފާޒުގެ މުސްތަގުބަލު އުޖާލާކުރުމަށްޓަކައި، މީގެ ކުރިން އާންމުންގެ އެހީތެރިކަން މަފާޒަށް ލިބުނު ފަދައިން މިފަހަރުވެސް ދީލަތި އެހީއެއް ފޯރުކޮށްދިނުމަށް އާއިލާއިން އެދެއެވެ.

މަފާޒަށް އެހީ ތެރިވުމަށް ފައިސާ ޖަމާކުރައްވަން ބޭނުންފުޅުވާ ފަރާތްތަކުން ފައިސާ ޖަމާ ކުރާނީ:

ބީއެމްއެލް ރުފިޔާ އެކައުންޓް ނަންބަރ:7712216293101 (މައުސޫމް ހަސަން)

ބީއެމްއެލް ޑޮލަރ އެކައުންޓް ނަންބަރ: 7730000435922 (މައޫސޫމް ހަސަން)

އިތުރު މައުލޫމާތު ހޯދުމަަށް:7798697 މައުސޫމް ހަސަން (މަފާޒުގެ ބައްޕަ)

0%
ކަމުގޮސްފި
0%
އަޑުއެހިތާ މިހުރީ
100%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް