ކަމަދޫ ކައުންސިލުން ބުނީ މި ވޯޓާ ޕާކަކީ ކައުންސިލްގެ ބަޖެޓުންނާއި އަމިއްލަ ފަރާތްތަކުގެ އެހީގައި ތަރައްޤީ ކުރާ ތަނެއްކަމަށެވެ.
ކަމަދޫ ކައުންސިލުން ވަނީ އެރަށުގއި ހަދާ ވޯޓާ ޕާކް ތަރައްގީކުރުމަށް ބޭނުންވާ ސާމާނު ގެނެެސްދީ އެތަކެތި ހަރުކޮށްދޭނެ ފަރާތެއް ހޯދަން ބޭނުންވާކަމަށެވެ. ކަމަދޫ ކައުންސިލުން ވަނީ މިކަމަށް ޝައުގުވެރިވާ ފަރާތްތަކުން އެކަމުެގ ބީލަމުގައި ރަޖިސްޓްރީވުމަށް ހުޅުވާލާފައެވެ.
ރެޖިސްޓްރޭޝަން ކުރިއަށް ދާނީ އަންނަމަހުގެ ހަވަނަދުވަހުން ފެށިގެން 10 ގެ ނިޔަލަށްކަމަށް ކަމަދޫ ކައުންސިލުން ބުނެއެވެ. އެ ކައުންސިލުން ބުނީ އެ ރަށުގެ ވޯޓް ޕާކަށް ތަކެތި ގެނެސްދީ އެތަކެތި ހަރުކޮށްދޭން ޝައުގުވެރިވާ ފަރާތްތަކުން ބީލަން ހުށައަޅަން ޖެހޭނީ އަންނަ މަހުގެ 13 ވަނަދުވަހުގެ 12:00 ގައިކަމަށެވެ.
564 މީހުންގެ އާބާދީއެއް އޮންނަ ބ. ކަމަދޫގެ ހުރިހާ ރައްޔިތުންނަށް ސަން ސިޔާމް ކެއާގެ ގެ ފަރާތުން ވަނީ ހިލޭ ބޭސްފަރުވާ ކުރެވޭނެ ގޮތް ހަމަޖައްސައިދީފިއެވެ. އެގޮތުން ރާއްޖޭންނާއި ރާއްޖޭން ބޭރުން ބޭސްފަރުވާ ކުރުމަށް މާލީ އެހީތެރިކަން ބޭނުންވާ މީހުންނަށް ކަނޑައެޅޭ އުސޫލެއްގެ ދަށުން އެ އެހީތެރިކަން ދޭން ސިޔާމް ނިންމަވާފައިވާކަމަށް ކަމަދޫ ކައުންސިލުން ވަނީ މީގެކުރިން ބުނެފައައެވެ.
