މި އަހަރުގެ ކަލަންޑަރު ބުނާގޮތުން މި އަހަރުގެ ފިތުރު އީދު ވަނީ މިމަހުގެ 31 ވާ ހޯމަ ދުވަހެވެ.
އެހެންނަމަވެސް ފަލަކީ އިލްމުވެރިޔާ އަދި ހަނދު ބެލުމުގައި ގިނަ ބައެއްގެ އިތުބާރު ހޯދާފައިވާ ކުރީގެ ރައީސްގެ ހޯދުންތައް ކަލަންޑަރާއި ތަފާތެވެ.
މައުމޫން ވިދާޅުވީ ވަރަށް ގިނަ އިސްލާމީ ގައުމުތަކަށް އީދު ވާނީ އަންނަ އާދިއްތަ ދުވަސްކަމަށެވެ. އެހެންކަމުން ރާއްޖެއަށް ވެސް އެދުވަހަކީ އީދަށް ވާނެކަަމަށް ގަބޫލުކުރެވޭކަމަށެވެ.
މައުމޫން ލިޔުއްވާފއިވާ ލިޔުމެއްގައި ވިދާޅުވި ސައުދީ އަރަބިއްޔާ، މިސްރު، ތުރުކީ އަދި މޮރޮކޯ ފަދަ އިސްލާމީ ގައުމުތަކަށް މި މަހުގެ 29 ވަނަ ދުވަހު އިރުއޮއްސުމަށް ފަހު ހަނދު ނުއޮއްސި 8 މިނެޓާއި 20 މިނެޓާ ދެމެދުގެ މިންވަރަކަށް ހުންނާނެ ކަމަށް ފަލަކީ ހިސާބުން ދައްކާކަމަށެވެ. އެހެންކަމުން މިމަހުގެ 28 ވާ ހޮނިހިރު ދުވަސް ވަނީ މިއަހަރުގެ ރޯދައިގެ ފަހު ދުވަހަށްވެ އީދު ވަނީ މިމަހުގެ 30 ވާ އާދިއްތަކަމަށް ވަރަށް ބޮޑަށް ޔަގީން ކުރެވޭކަމަށެވެ.
މި އަހަރުގެ ފިތުރު އީދަށް ހަނދު ބެލުން އޮންނާނީ އަންނަ ހޮނިހިރު ދުވަހުގެ ރެއެވެ. ރާއްޖޭގައި ހަނދު ސާބިތުކުރުމުގައި ގެންގުޅޭ އުސޫލުގައި އިސްލާމީ ގައުމަތަކަށް ހަނދު ފެނިއްޖެނަމަ އެގޮތަށް އަމަލުކުރަމުން އާދެއެވެ.
