އެމަނިކުފާނު މިހެން ވިދާޅުވީ ރައްޔިތުންނާ ގާތުން މައުލޫމާތުތައް ހިއްސާކުރެއްވުމަށް ފައްޓަވާފައިވާ "ރައްޔިތުންނާ އެކު" ޕޮޑްކާސްޓުގައި ވާހަކަފުޅުދައްކަވަމުންނެވެ.
ރައީސް ވިދާޅުވީ، ހުއްޓިފައި ހުރި މަޝްރޫއުތަކާއި އަލަށް ފަށައި މަޝްރޫއުތަކާ އެކު މި މަހާއި އަންނަ މަހުގެ ތެރޭގައި 550 އަށްވުރެ ގިނަ މަޝްރޫއުގެ ފެށޭނެ ކަމަށެވެ.
އެ މަނިކުފާނު ވިދާޅުވީ، ރައްޔިތުންނަށް ފެންނާނީ އިގުތިސާދު މެނޭޖު ކުރަމުން އަދި އެ މީހުން ބޭނުންވާ ކަންކަން ސަރުކާރުން ކޮށްދޭ ތަން ކަމަށެވެ.
ފާހަގަކޮށްލެވޭ ގޮތުގައި މި ފަހުން މި ސަރުކާރުގެ ބައެއް މަޝްރޫއުތައް ކުރިއަށް ގެންދަން ސަރުކާރު ކުންފުނިތަކަކާ އެކު ވަނީ ސޮއިކޮށްފައެވެ. އެ ގޮތުން، ރޯޑް ޑިވޮލޮޕްމަންޓް ކޯޕަރޭޝަން (އާރުޑީސީ)އާއި ފެނަކަ އަދި އެމްޓީސީސީއަށް ގިނަ މަޝްރޫއުތަކެއް ވަނީ ހަވާލުކޮށްފައެވެ.
މިދިޔަ އަހަރާ އަޅައިބަލާއިރު މަޝްރޫއުތަކަށް ކުރި ހޭދަ ވެސް ވަރަށް ބޮޑަށް ދަށްވެފައިވާއިރު، އަމިއްލަ ކުންފުނިތަކަށް ސަރުކާރުން ދޭންޖެހޭ ބޮޑު އަދަދެއްގެ ދަރަނި ވެސް ނުދައްކާ އެބައޮތެވެ. އެ ފައިސާ ރޯދައިގެ ކުރިން ދައްކާ ނިންމާނެ ކަމަށް ކުރިން ރައީސް ވިދާޅުވި އެވެ.
ރައީސް މިފަހުން ވިދާޅުވީ މިއަހަރާ އަންނަ އަހަރު ވެގެންދާނީ ރާއްޖޭގައި ތަަރައްގީގެ ގިނަ މަޝްރޫއުތަކެއް ފެށިގެން ކުރިއަށްދާނެ ދެ އަހަރަށް ކަމަށެވެ. އެކަމަށް މިއަހަރުގެ ބަޖެޓުގައިވެސް ބޮޑު ބައެއް ވަނި ހާއްސަކޮށްފަ އެވެ.
