ރާއްޖެއަށް އޭނާ އެކްސްކްލޫސިވް ފެމިލިއަލައިޒޭޝަން ދަތުރެއް ކުރުމުގެ ފުރުސަތު ދިނީ މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) ންނެވެ. މި ދަތުރުގެ ބޭނުމަކީ މެދުއިރުމައްޗަށް ރާއްޖެ އިސްތިހާރުކޮށް ރާއްޖެއަކީ އެންމެ ދާން ރަނގަޅު މަންޒިލުގެ ގޮތުގައި އިޝްތިހާރުކޮށް، ދިވެހި ސަގާފަތް ދައްކާލުންކަމަށް އެމްއެމްޕީއާރުސީ ވަނީ ބުނެފައެވެ.
ހަފްތާއެއްގެ ދަތުރުން ހާލިދު މިވަނީ ރާއްޖޭގެ ރީތިކަމާއި ސަގާފަތާއި އާދަކާދަތައް އޭނާގެ ސޯޝަލް މީޑިއާ ޕްލެޓްފޯމްތައް ފޮލޯކުރާ 21 މިލިއަނަށްވުރެ ގިނަ ފޮލޯވަރުން ދައްކާލާފައެވެ.
ސޯޝަލް މީޑިއާގައި ނުފޫޒު ގަދަ ހާލިދު ދިވެހިންނާއި އެކު ޖޯލީގައި
ހާލިދުގެ ދަތުރުގެ ބައެއް މަންޒަރުތައް ހިއްސާކޮށްލަމުން އޭނާ ބުނީ ތަޖުރިބާ ކުރީ އާދައިގެ ދިވެހިންގެ ދިރިއުޅުންކަމަށެވެ. ހާލިދު އެނާގެ އެފްބީގައި މާ ގިނަ ވާހަކަތަކަށް ދެއްކުމެއް ނެތި ހިއްސާ ކުރި ފޮޓޯގެ ކެޕްޝަންގައި ބުނީ އެންމެ ވާހަކައެކެވެ.
އަސްލު ރާއްޖޭގެ ހަގީގީ ވާހަކަތައް ބަލާލަން ފުރުސަތު ދިނުމަށް ހާލިދު ވަނީ ވިޒިޓް މޯލްޑިވްސްއަށް ޝުކުރު އަދާކޮށްފައެވެ.
ހާލިދު ދިވެހި އާއިލާއަކާއެކު
ހާލިދު އެފްބީއަށް ދޫކޮށްްލި މަންޒަރުތަކުގައި ހަލަބޮލި ވެރިރަށް މާލޭގެ އިތުރުން ރަށްފުށުގެ ދިރިއުޅުމުގެ ތެރެއިން ދިވެހިންގެ ޒަމާންވީ ސަގާފަތުގެ ކަންކަން ވަނީ ތަޖުރިބާކޮށްފައެވެ. އެގޮތުން ރޯދަމަހުގެ ހަވީރުގެ ވަގުތު ހޮޅުއަށީގައި ދިވެހިންނާއި ހީ ސަމާސާކޮށް ރާޒުވާ ކުޅެ ހަދާފައިވެއެވެ.
ހާލިދު ދިވެހިންނާއި އެކު ގެއަކުން ރޯދަ ވިއްލާ ސުފުރާމަތި
އަދި އެއާއި އެކު ދިވެހިންގެ ސުފުރާމަތިން ރޯދަ ވީއްލާ ދިވެހީންނާއި އެކު ދިވެހިންގެ ދުފާ ތަބަކުން ދުފުމުގައި ޖޯލިފަތީގައި ސަކަރާތް ޖަހާ މަންޒަރުވެސް ހާލުދު ވަނީ އޭނާގެ ފޮލޯވަރުން ދައްކާލާފައެވެ.
ހާލިދު ސަލްމާން މިސްކިތުގައި ނަމާދުކުރަނީ
މީގެއިތުރުން ދިވެހިންގެ ރީތި ބިނާތަކާއި ރާއްޖޭގެ ގުދުރަތީ ރީތިކަމާއި ދިވެހިންގެ ސަގާފީ ހެދުންތައްވެސް ހާލިދު ވަނީ ދައްކާލާފައެވެ. އޭގެތެރޭގައި ފޮށާ އަޅާ ފޭއްޔެއް އަނދެގެން އިދެ ކުޅި އެއްގައި ކުޑަ ބޮއްކުރައެއް އޭނާ ދުއްވާ ހިތްގަމު މަންޒަރުވެސް ހިމެނެއެވެ.
ހާލިދު ރާއްޖޭގެ ހިތްގައިމު ކުޅިއެއްގައި ބޮއްކުރާ ދުއްވާލަނީ
ހާލިދު ރާއްޖޭގައި ހޭދަކުރި ހަފްތާއެއްހާ ދުވަހުން ބައެއް ފޮޓޯތައް ދައްކަލުން މާ ގިނަ ވާހަކައެއް އަދި ދައްކާފައެއް ނެތެވެ. އެހެންކަމުން ބެލެވެނީ އޭނާގެ މި ދަތުރުގެ ތަޖުރިބާތައް ދާދި އަވަހަށް އޭނާގެ އެފްބީއާ އިންސްޓަގްރާމް ރީލްތަކުން ފެންނާނެކަމަށެވެ.
