ރައީސް ނަޝީދު އަދި ބޮންޑާ
ރާއްޖޭގެ އާބާދީއަށްވުރެ ގިނަ މީހުން އާސަންދައިން ހިދުމަތް ހޯދައިފި: ބޮންޑޭ
ގުފްތަގް އަޖީރު
31 މާރޗް 2025 - 12:47:01
ރާއްޖޭގެ އާބާދީއަށްވުރެ ގިނަ މީހުން އާސަންދައިން ހިދުމަތް ހޯދައިފި ކަމަށް މާފަންނު މެދު ދާއިރާގެ ކުރީގެ މަޖިލިސް މެންބަރު އިބްރާހިމް ރަޝީދު (ބޮންޑޭ) ވިދާޅުވެއްޖެއެވެ.
Advertisement
ރާއްޖެޓީވީ ޕްރޮގްރާމެއްގައި ވާހަކަ ދައްކަމުން ބޮންޑޭ ވިދާޅުވީ މިހާރުގެ ސަރުކާރުން އާސަންދަ ސްކީމް ވޯޓު ހޯދުމަށް ބޭނުންކުރާ ކެންޕޭން ފަންޑަކަށް ބަދަލުކޮށްފައިވާ ކަމަށެވެ. އަދި ރާއްޖޭގެ އާބާދީއަށްވުރެ ގިނަ މީހުން އާސަންދައިން ހިދުމަތް ހޯދާފައިވާ ކަމަށް ވިދާޅުވެ، މިއީ ވަރަށް ކަންބޮޑުވާންޖެހޭ ބޮޑު މައްސަލައެއް ކަމަށް ފާހަގަކުރިއެވެ.
"އަޅުގަނޑު ނޫހުން ދުށިން ކުރީ ސަރުކާރުތަކަށް ވުރެ މާ ބޮޑު އަދަދެއް ހޭދަކޮށްފައިވާ ވާހަކަ. ދެ ބިލިއަން ކަންނޭގެ ތިން ބިލިއަން ކަންނޭގެ. ރާއްޖޭގެ ގާތްގަނޑަކަށް އާބާދީގެ، ވޯޓުލީ އާބާދީ އަށްވުރެ ގިނަ އާބާދީ ހިދުމަތް ހޯދި ވާހަކަ. އަޅުގަނޑުމެންނަށް ގަބޫލެއް ނުކުރެވޭ," ބޮންޑޭ ވިދާޅުވިއެވެ.
ބޮންޑޭ އިތުރަށް ވިދާޅުވީ އާސަންދަ ސްކީމަކީ ވަރަށް ބޮޑަށް ރަނގަޅު ކުރަންޖެހޭ ސްކީމެއް ކަމަށާއި، އެއީ ވަރަށް ބޮޑަށް އިސްރާފުވާ ގޮތަށް އޮތް ސްކީމެއް ކަމަށެވެ. އަދި އާސަންދަ އޮޑިޓް ކޮށްފި ކަމަށްވާނަމަ ގިނަ މައްސަލަތައް ތިލަވާނެ ކަމަށް ވެސް ވިދާޅުވިއެވެ. ފައިސާއަކީ ރައްޔިތުންގެ ފައިސާ ކަމަށާއި، ރައްޔިތުން މި ކަންކަމަށް ފާރަވެރިވާން ޖެހޭ ކަމަށް ވެސް ބޮންޑޭ ވިދާޅުވިއެވެ.
50%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
50%
ވަރަށް ސަލާމް
ކޮމެންޓްސް
