މި ފަހަރުގެ އީދު ފާހަގަކުރުމުގައި ބޮލީވުޑްގެ މަޝްހޫރު ތަރިން ކަމަށްވާ ސަލްމާން ހާން އަދި އާމިރު ހާން އިސްކޮށް ހަރަކާތްތެރިވެ، ފޭންސުންނާއެކު ވަގުތު ހޭދަކޮށްފައިވެއެވެ. މި ދެ ތަރިންގެ ހަރަކާތްތައް މިހާރު ވަނީ ސޯޝަލް މީޑިއާގައި ވަރަށް ބޮޑަށް ފެތުރިފައެވެ.
ފަހުން ނެރުނު އެކްޝަން ފިލްމު "ސިކަންދަރު" ގެ ކާމިޔާބީއާއެކު، ސަލްމާން ހާން ބަންދްރާގައި ހުންނަ އޭނާގެ ގެލެކްސީ އެޕާޓްމަންޓްސްގެ ކުރިމަތީގައި ޖަމާވި އެތައްސަތޭކަ ފޭންސުންނާ ބައްދަލުކޮށްފައިވެއެވެ. ސަލާމަތީ ސަބަބުތަކަށްޓަކައި، ސަލްމާން ހާން ފޭންސުންނާ ބައްދަލުކުރީ ބުލެޓްޕްރޫފް ބިއްލޫރިއެއްގެ ފަހަތުންނެވެ. އެހެންނަމަވެސް، މި ކަމަކީ ކޮންމެ އަހަރަކުވެސް އީދު ދުވަހު "ބާއީ" ބެލުމަށް ޖަމާވާ ފޭންސުންގެ ޖޯޝަށް އެއްވެސް ބަދަލެއް ގެނެސްފައިވާ ކަމަކަމަށް ނުވިއެވެ. ސަލްމާން ހާން ފެނުނީ އިންޑިއާގެ ޓްރެޑިޝަނަލް ހެދުމެއްގައެވެ.
އާމިރު ހާން އީދު ދުވަހު ފޭނުންނާއެކު
އަނެއްކޮޅުން، އާމިރު ހާން ވެސް އޭނާގެ މުންބާއީގައި ހުންނަ ގޭގެ ބޭރަށް ނުކުމެ ފޭންސުންނާއި ބައްދަލުކޮށްފިއެވެ. "ދަންގަލް" ގެ ތަރި ފެނުނީ ސާދާ ރީތި ކުރުތާއެއްގައެވެ. އާމިރު ހާން ބެސް ފޭންސުންނާ ބައްދަލުކުރުމުގެ ވީޑިއޯތައް ސޯޝަލް މީޑިއާގައި ވަރަށް ބޮޑަށް ވައިރަލްވެފައިވެއެވެ. އާމިރު ހާން އަބަދުވެސް ފާހަގަވަނީ ސާދާ މީހެއްގެ ގޮތުގައެވެ.
އީދު ފާހަގަކުރުންތަކުގައި ބޮލީވުޑްގެ އެހެން ތަރިންވެސް ބައިވެރިވާނެކަމަށް ބެލެވެއެވެ. ގިނަ ތަރިން ސޯޝަލް މީޑިއާގައި އީދުގެ ތަހުނިޔާ ފޮނުވައި، އެމީހުންގެ ކެއުންތަކުގެ ފޮޓޯތައް ވެސް ޝެއާ ކޮށްފައިވެއެވެ.
