
މަތީން މިހެން ވިދާޅުވީ ނިލަންދޫގެ ނަރުދަމާ ނިޒާމު ފެއިލްވެ ރަށުގެ އެކި ތަންތަނުން ނަޖިސް އަރާތާ އެތައް ދުވަހެއް ވެފައިވާ ކަމަށް ބުނެ ރަށުގެ ހާލަތު ފެންނަ ފޮޓޯތަކަކާއި އެކު އެރަށު ރައްޔިތަކު ފާޅު ކުރި ކަންބޮޑުވުންތަކަށް ޖަވާބު ދެއްވަމުންނެވެ.
ނިލަންދޫގެ ނަރުދަމާ ނިޒާމު ރަނގަޅުކުރަން އެ ނިޒާމު ޑިޒައިންކުރުމާއި އަމަލީ މަސައްކަތް ކުރުމަށް އިންފްރާސްޓްރަކްޗާ މިނިސްޓްރީން އެމްޑަބްލިއުއެސްސީއާ ހަވާލުކުރީ މިދިޔަ އަހަރުގެ ނޮވެމްބަރު މަހުގެ 17ގައެވެ. އެ އެއްބަސްވުން ހެދީ، 540 ދުވަހުގެ ތެރޭގައި މަސައްކަތް ނިންމާ ގޮތަށެވެ. އެހެންނަމަވެސް މިހާތަނަށް އެ މަސައްކަތް ފެށިފައި ނުވާކަމަށް އެރަށު މީހުން ބުނެއެވެ.
ނިލަންދޫ މަގަކަށް ނަޖިސް ބޭރުވެފައި
އެމްޑަބްލިއުއެސްސީ ގެ މެނޭޖިން ޑިރެކްޓަރު އަބްދުލް މަތީން މުހައްމަދު ގާތްގަނޑަކަށް 15 ވަރަކަށް އަހަރަށް އަމާޒުކޮށް ޑިޒައިންކޮށްފައިވާ ނިލަންދޫގެ "ވެކިއުމް" ނަރުދަމާ ނިޒާމަށް މިހާރު 18 އަހަރުވެފައިވާކަށެވެ.
އެކަމުގެ ސަބަބުން އެ ނިޒާމު ހިންގާ މަރާމާތުކޮށް ބެލެހެއްޓުމުގައި ދިމާވަމުން އަންނަ ގޮންޖެހުންތަކުގެ ސަބަބުން ރައްޔިތުންނަށް ކުރިމަތިމަތިވަމުން އަންނަ ތަކުލީފުތަކަށް ދާއިމީ ހައްލެއް ހޯދުމަށް ނިލަންދޫގައި "ގްރެވިޓީ" ނަރުދަމާ ނިޒާމެއް ޤާއިމްކުރުމަށް އެ ކުންފުންޏާ ހަވާލުކޮށްފައިވާ މަޝްރޫޢުގެ ދަށުން އަލަށް ޤާއިމްކުރާ ނިޒާމްގެ ޑިޒައިން މަސައްކަތް މިހާރު ފަށާފައިވާކަމަށް މަތީން ވިދާޅުވިއެވެ.
އެމްޑަބްލިއުއެސްސީގެ މެނޭޖިން ޑިރެކްޓަރު އަބްދުލްމަތީން މުހައްމަދު - ފޮޓޯ: އެމްޑަބްލިއުއެސްސީ
މިގޮތުން ޑިޒައިން މަސައްކަތް ކުރުމަށްޓަކައި ބޭނުންވާ ބިންތައް ކަނޑައެޅުމާއީ ލޭންޑް ސާވޭ ހެދުމާއި، ޓޮޕޮގްރަފިކް ސާވޭގެ މަސައްކަތް މިހާރު ނިމިފައިވާކަމަށް މަތީން ވިދާޅުވިއެވެ. އަދި ދިޒައިއން މަސައްކަތް ނިންމުމަށްފަހު ކަމާއި ބެހޭ އިދާރާތަކުގެ ހުއްދަ ހޯދާ އީއައިއޭ ނިންމާ އަމަލީ މަސައްކަތް އަންނަ މަހު ފަށަން ތާވަލުކޮށްފައިވާކަމަށް މަތީން ވިދާޅުވިއެވެ. އަދި އަންނަ މަހު ފަށާ މަސައްކަތް ނިންމާލެވޭނީ އަންނަ އަހަރު ފަހުކޮޅުކަމަށް މަތީން ވަނީ ވިދާޅުވެފައެވެ.
މަތީން ވިދާޅުވީ އެމްޑަބްލިޔުއެސްސީ ގެ ސްކޯޕްގެތެރޭގައި ހިމެނެނީ ގްރެވިޓީ ނިޒާމު ގާއިމްކުރުމުގެ މަސައްކަތްކަމަށެވެ. އެހެންކަމުން އެ މަސައްކަތް ކުރިޔަށްދާ ދުވަސްވަރުވެސް މީހާތު ބޭނުންކުރަމުން އަންނަ ވެކިޔުމް ސިސްޓަމް މަރާމާތުކޮށް ހިންގާ ބަލަހައްޓާނީ ނިލަންދޫގައި މިހާރުވެސް ޔުޓިލިޓީގެ ހިދުމަތް ފޯރުކޮށްދޭ އިދާރާތަކުންކަމަށް މަތީން ވިދާޅުވިއެ ވެ.