ކައުންސިލުން މިކަމާ ގުޅިގެން ކަންބޮޑުވުން ފާޅުކޮށް، ރަށުގެ އެކިތަންތަނުގައި އަލިފާން ރޯކުރުމަކީ ނުރައްކާތެރި ހާދިސާތައް ހިނގުމަށް މަގުފަހިވެދާނެ ކަމެއްކަމަށް ބުނެ މިއަދު ވަނީ އިއުލާނުކޮށްފައެވެ.
ކައުންސިލުންބުނީ، އަލިފާން ރޯކޮށް އޭގެ ސަބަބުން އުފެދޭ ދުމުން އަވަށްޓެރިންނަށް އުނދަގޫވާގޮތަށް އަލިފާން ރޯކުރުމަކީ ގަވާއިދު ނަންބަރު: 2019/R-995 (އާންމު އުނދަގުލާބެހޭ ގަވާއިދު) ގެ ދަށުން މަނާކަމެއްކަން ކަމަށެވެ. އަދި މިފަދަ އަމަލުތަކުގެ ސަބަބުން ދަނޑުބިންތަކާއި ރައްޔިތުންގެ ރުއްގަހާއި މުދަލަށް ބޮޑެތި ގެއްލުންތަކެއް ލިބިގެންދިއުމުގެ ފުރުސަތު އޮތްކަމަށްވެސް ކައުންސިލުން ބުންޏެވެ.
ހޯނޑެއްދޫ ކައުންސިލުން އިތުރަށް ބުނީ، ގަވާއިދާ ހިލާފަށް އެކަށީގެންވާ ރައްކައުތެރިކަމުގެ ފިޔަވަޅު އެޅުމެއްނެތި، އާންމު ތަންތަނުގައި އަލިފާން ރޯކުރުމަކީ މަނާކަމެއްކަމުގައިވާތީ، މިއަދުން ފެށިގެން ހޯނޑެއްދޫގެ އެއްވެސް ތަނެއްގައި އަލިފާން ރޯކުރާނަމަ ފިޔަވަޅު އަޅާނެކަމަށެވެ. މިގޮތުން ކައުންސިލުން ނެރުނު އިންޒާރާއެކު، ރަށުގެ ރައްޔިތުން މިކަމަށް ސަމާލުވުމަށް އިލްތިމާސްކޮށްފައިވެއެވެ.
