ads
މިފްކޯގެ މަސް ބޯޓު ރަންދި 20: -
ރޯދަ މަހު މަސްވެރިންނަށް ދޫކުރި ފައިސާގެ އަދަދު ދަށަށް
މިދިޔަ މާރިޗު މަހު މަސްވެރިންނަށް ދޫކުރި ފައިސާގެ އަދަދު ފެބްރުއަރީ މަހާ އަޅާބަލާއިރު ދަށަށް ގޮސްފައިވާ ކަމަށް މިފްކޯގެ ތަފާސް ހިސާބުތަކުން ދައްކައިފިއެވެ.
Advertisement

ރޯދަ މަހާ ދިމާކޮށް މަސްވެރިންނަށް ދޫކުރި ފައިސާ ދަށްވެފައިވަނީ، އެވްރެޖްކޮށް ރޯދަ މަހު މަހަށް ނިކުތް ދޯނިފަހަރުގެ އަދަދު މަދުވުމާ ގުޅިގެންނެވެ.

މިފްކޯގެ ތަފާސް ހިސާބުތަކުން ދައްކާ ގޮތުގައި ޖަނަވަރީ މަހު މަސްވެރިންނަށް 177 މިލިއަން ރުފިޔާ ދޫކޮށްފައިވާއިރު، ފެބްރުއަރީ މަހު 120 މިލިއަން ރުފިޔާ ދޫކޮށްފައިވެއެވެ. ނަމަވެސް ރޯދަ މަހާ ދިމާވި މާރިޗު މަހު މަސްވެރިންނަށް ދޫކޮށްފައިވަނީ 81.9 މިލިއަން ރުފިޔާއެވެ. މިއަހަރުގެ ފުރަތަމަ ތިން މަސް ދުވަހު އެކަނިވެސް 379 މިލިއަން ރުފިޔާ މަސްވެރިންނަށް ވަނީ ދޫކޮށްފައެވެ.

މިފްކޯއިން މަސްވެރިންނަށް 48 ގަޑިއިރު ތެރޭގައި ފައިސާ ދޫކުރަން ފަށާފައިވަނީ މިދިޔަ އަހަރުގެ މަސްވެރިންގެ ދުވަހާ ދިމާކޮށެވެ. މިއީ ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ވައުދުފުޅެކެވެ. މަސްވެރިންނަށް ގަވާއިދުން ފައިސާ ދޭން ފެށިފަހުން މިހާތަނަށް 409.1 މިލިއަން ރުފިޔާ މަސްވެރިންނަށް ދޫކޮށްފައިވާކަމަށް މިފްކޯގެ ތަފާސް ހިސާބުތަކުން ދައްކައެވެ.

ފަހުގެ ތާރީހެއްގައި އެންމެ ގިނަ އަދަދަކަށް މިފްކޯއަށް މަސް ކިރުވާފައިވަނީ މިދިޔަ ފެބްރުއަރީ މަހުގެ 12 ވަނަ ދުވަހުއެވެ. އެދުވަހު 546 ޓަނުގެ މަސް ކިރުވާފައިވާއިރު، މިފްކޯއިން ވަނީ 48 މަސްދޯންޏަކަށް 7.6 މިލިއަން ރުފިޔާ ދޫކޮށްފައެވެ. މަސްވެރިކަމުގެ ސިނާއަތް އިތުރަށް ފުޅާކޮށް، ރާއްޖެއަށް އެންމެ ބޮޑު އާމްދަނީއެއް ލިބޭ އެއް ސިނާއަތަށް މަސްވެރިކަން ހެދުމަކީ ސަރުކާރުގެ އަމާޒެއް ކަމަށް ބުނެއެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް