
މި މަސައްކަތް ރަސްމީކޮށް ފައްޓަވާދެއްވީ ރޭ އެރަށުގައި ބޭއްވި ރަސްމިއްޔާތެއްގައި އެމްޓީސީސީގެ މެނޭޖިން ޑައިރެކްޓާ ޑީސީޕީ (ރިޓަޔާޑް) އަހްމަދު ސައުދީއެވެ. މި ރަސްމިއްޔާތުގައި ގުޅި ކައުންސިލްގެ ރައީސް މޫސާ ސަފީލްގެ އިތުރުނ،ް އެމްޓީސީސީ އާއި ގުޅީގެ ކައުންސިލްގެ އިސްވެރިން ބައިވެރިވިއެވެ.
ގުޅީ ބިން ހިއްކުމުގެ މަޝްރީއުގެ ދަށުން 10.15 ހެކްޓަރުގެ ސަރަހަދެއް ހިއްކުމަށް ވަނީ ހަމަޖެހިފައެވެ. މީގެ އިތުރުން ގޮނޑުދޮށް ހިމާޔަތްކުރުމުގެ މަސައްކަތުގެ ދަށުން 10,962 މީޓަރުގެ ބޮޑު ހިލައިގެ ރިވެޓްމަންޓަކާއ،ި 362 މީޓަރުގެ ޖިއޯބޭގް ރިވެޓްމަންޓަކާއި 88 މީޓަރުގެ ގޮރޮއިން ޖެހުމުގެ މަސައްކަތްވެސް ހިމެނޭކަމަށް އެމްޓީސީސީން ބުނެއެވެ. މި މަޝްރޫގެ އަގަކީ 63.89 މިލިއަން ރުފިޔާ އެވެ.
މާލެ އަތޮޅު ގުޅީގެ ބިން ހިއްކުމުގެ މަސައްކަތް ފެށުމުގެ ތެރެއިން
ގުޅީ ބިން ހިއްކުމުގެ މަސައްކަތް އެމްޓީސީސީ އާ ހަވާލުކުރީ މިދިޔަ ސަރުކާރުން 2023 ވަނަ އަހަރުގެ މާރިޗް މަހުގެ 20 ވަނަ ދުވަހުއެވެ. އެހެންނަމަވެސް އެކި ސަބަބުތަކާ ހުރެ ބިން ހިއްކުމުގެ ޢަމަލީ މަސައްކަތް ފެށިފައެއް ނުވެއެވެ.
މާލެ އަތޮޅު ގުޅީގެ ބިން ހިއްކުމުގެ މަސައްކަތް ފެށުމުގެ ތެރެއިން
ގުޅި ބިން ހިއްކުމުގެ މަސައްކަތް ފައްޓަވާ ދެއްވުމަށްފަހު ވާހަކަ ދައްކަވަމުން އެމްޓީސީސީގެ އެމްޑީ އަހްމަދު ސައުދީ ވިދާޅުވީ މޫސުން ގޯވެ މަސައްކަތް ހުއްޓާލަން ނުޖެހި ކުރިޔަށްދާނަމަ ބިން ހިއްކުމުގެ މަސައްކަތް 45 ދުވަހުގެ ތެރޭގައި ނިންމާމެނަކަމަށެވެ. އަދި އެއާއި އެކު ގޮނޑުދޮށް ހިމާޔަތްކުރަން ފެށޭނެކަމަށްވެސް ސައުދީ ވިދާޅުވި އެވެ.
814 މީހުންގެ އާާބދީއެއް އޮންނަ މާލެއަތޮޅު ގުޅިއަކީ ބިމުގެ ޖާގައިގެ ގޮތުން ކުޑަނަމަވެސް ވަރަށް ރީތި ހިތްގައިމު ރަށެކެވެ. އެރަށަކީ ގެސްޓު ހައުސް ވިޔަފާރި ފުޅާ ދައިރާއެއްގައި ކުރަމުން އަންނަ ރަށެޗެކެވެ. އެގޮތުން އެރަށުގައި މިހާރުވެސް 15 ވަރަކަށް ގެސްޓްހައުސް އަންނަނީ ހިންގަމުންނެވެ. އޭގެ ތެރޭގައި އެކި ފަންތީގެ މީހުންނަށް ހާއްސަކުރެވިފައިވާ ގެސްޓްހައުސްތައް ހިމެނެ އެވެ.