މޯދީ ލަންކާއަށް އިއްޔެ ވަޑައިގަތީ ތިން ދުވަހުގެ ރަސްމީ ދަތުރުފުޅަކަށެވެ. އެ މަނިކުފާނަށް ބަންޑާރަނަޔަކަ އިންޓަނޭޝަނަލް އެއާޕޯޓުން މަރުހަބާ ދެންނެވީ ސްރީލަންކާގެ ފޮރިން މިނިސްޓަރު ވިޖިތަ ހެރަތު އެވެ.
މިއީ ލަންކާގެ ރައީސް އަނޫރާ ކުމާރަ ދިސަނަޔަކަ މިދިޔަ އަހަރުގެ ސެޕްޓެމްބަރު މަހު މަގާމާ ހަވާލުވެވަޑައިގެންނެވިފަހުން، ބޭރު ގައުމެއްގެ ވެރިޔަކު އެ ޤައުމަށް ކުރައްވާ ރަސްމީ ދަތުރުފުޅެވެ.
މި ދަތުރުފުޅުގައި ހަކަތަ، ޑިޖިޓަލައިޒޭޝަން، ސަލާމަތާއި، ސިއްޙީ ފަރުވާ ފަދަ މުހިންމު ދާއިރާތަކާ ގުޅޭ އެއްބަސްވުންތަކުގެ އިތުރުން އިންޑިޔާއިން ލަންކާއަށް ދަރަނި ދެއްކުން އަލުން އެކުލަވާލުމުގެ އެހީއާ ގުޅޭ އެއްބަސްވުންތަކުގައި ސޮއިކުރާނެ ކަމަށް ވެސް އެ އޮފީހުން ބުންޏެވެ.
މޯދީ އެންމެ ފަހުން އެންމެ ލަންކާ އަށް ވަޑައިގެންނެވީ 2017 ގަ އެވެ. އޭނަ އިންޑިއާގެ ވެރިކަމަށް އެންމެ ފުރަތަމަ 2014 ގައި ވަޑައިގެން 2015 ގެ ތެރޭގައި ވެސް ލަންކާ އަށް ޒިޔާރަތްކުރެއްވި އެވެ.
