މި މަޝްރޫޢުގެ 53.5 އިންސައްތަ މިހާރު ވަނީ ނިމިފައެވެ. މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ކުރިއަށްގެންދާ މި މަޝްރޫއުގެ އަޕްޓޭޓް ހިސާބަށް ބަލާއިރު، ބަނދަރުގެ އެއްގަމު ތޮށި މުޅިން ނިމިފައިވާއިރު، މިވަގުތު ކުރިއަށްދަނީ ބަނދަރު ފުންކުރުމުގެ މަސައްކަތާއި ރިވެޓްމެންޓް ޖެހުމުގެ މަސައްކަތްތަކެވެ.
މިނިސްޓްރީން ފާހަގަކޮށްފައިވާ ގޮތުގައި މި ބަނދަރު އަޕްގްރޭޑް ކުރުމުން ރަށުގެ އިގްތިސާދަށް ފައިދާވެ، ބޮޑެތި އުޅަނދުފަހަރު ފަސޭހައިން ބަނދަރަށް ވަދެނިކުމެވުމުގެ އިތުރުން، މަސްވެރިކަމާއި ވިޔަފާރިއަށް ފަހި ފުރުސަތުތަކެއް ހުޅުވިގެންދާނެއެވެ.
މި މަޝްރޫއުގެ ދަށުން ބަނދަރު ފުންކުރުމާއި، 213 މީޓަރު ނެރު ބްރޭކް ވޯޓަ ޖެހުމާއި، 360 މީޓަރުގެ ސޭންޑްފިލް ބްރޭކް ވޯޓަ ޖެހުމާއެކު ކޮންކްރީޓް ބްރިޖްތަކާއި މޫރިން ބޮއި ހަރުކުރުން ފަދަ ގިނަ މަސައްކަތްތަކެއް ހިމެނެއެވެ.
މިގޮތުން 9 ޑިސެމްބަރު 2022 ގައި އެމްޓީސީސީ އާއި 79.9 މިލިއަން ރުފިޔާގެ މަޝްރޫއު ހަވާލުކުރީ ނިންމުމަށް 600 ދުވަސް ދީފައިވެއެވެ.
