އިންޑިއާގެ ހިންދީ ފިލްމު އިންޑަސްޓްރީއަށް 2025 ވަނަ އަހަރު ކުރިމަތިވެފައިވާ ބޮކްސް އޮފީސް ދަށަށް ދިއުމުގެ މައްސަލައާ ގުޅޭގޮތުން އޭނާ ވަނީ ފާޅުކަން ބޮޑު ގޮތެއްގައި ވާހަކަދައްކާފައެވެ.
ޕްރޮމޯޝަނަލް އިވެންޓެއްގައި ވާހަކަ ދައްކަމުން، އަޖޭ ދޭވްގަން ބުނީ މިހާރު ބޮކްސް އޮފީސް ދަށަށްދިއުމަކީ ދުނިޔެއަށް އައިސްފައިވާ ބަދަލަކާ ގުޅިގެން ފިލްމުބަލާ މީހުންގެ އާދަތަކަށް އައިސްފައިވާ ބަދަލުތަކުގެ ސަބަބުންހިނގާކަމެކެވެ.
ހިންދީ ސިނަމާއިން މިއަހަރު ގިނަ ބޮޑެތި ފިލްމުތައް ބޮކްސް އޮފީހުގައި ދަށް ރެކޯޑުތަކެއް ހަދަމުން އަންނައިރު، އެނަލިސްޓުން ފާހަގަކުރަނީ ފިލްމުތަކުގެ ސްކްރިޕްޓްތަކުގެ ފެންވަރު ދަށްވުމާއި، ފިލްމުތަކުން ވައްކަން ކުރުން ފަދަ ސަބަބުތަކުން މީހުން ސިނަމާއަށް ނުދާކަމަށެވެ.
ދުނިޔޭގެ ހުރިހާ ސިނަމާއެއްގައިވެސް ކުރިމަތިވެފައިވާ މި މައްސަލައަކީ ސްޓްރީމިން ޕްލެޓްފޯމްތަކުގެ މަގުބޫލުކަން އިތުރުވުމާއި، ސިނަމާތަކަށް ދާ މީހުންގެ ސަމާލުކަން ދިގު މުއްދަތަކަށް ނުހިފެހެއްޓުން ހިމެނެއެވެ.
މި ދަތި އަހަރުގެ މެދުތެރެއަށް ހިންދީ ސިނަމާ ކައިރިވަމުންދާއިރު، "ސިންގަމް" ތަރި އަޖޭ ފަދަ ތަރިންނަށް މި ހާލަތުން އަރައިގަނެވިދާނެތޯ ނުވަތަ އޭނާ ބުނާހެން މިއީ ހުއްޓުވޭނެ ކަމެއް ނޫންތޯ އަކީ ވަރަށް ގިނަ ފަރާތްތަކަކުން އުފައްދަމުން އަންނަ ސުވާލެކެވެ.
