ސީއެސްސީގެ މެމްބަރުކަމަށް މުޖުތާޒު އައްޔަންކޮށްދިނުމަށް އެދިވަޑައިގެން އޭނާގެ ނަން ރައީސް ޑރ. މުހައްމަދު މުއިއްޒި ރައްޔިތުން މަޖިލިހަށް ފޮނުއްވީ މިމަހުގެ ހަތްވަނަ ދުވަހުއެވެ.
މުޖުތާޒު ސީއެސްސީއަށް އައްޔަން ކުރޭތޯ ވޯޓަށް އެހުމުން މަޖިލީހުގެ 71 މެމްބަރުން ވަނީ އެކަމާއި ރުހި ފެންނަކަމަށް ވޯޓް ދީފައެވެ.
ސިވިލް ސާވިސް ކޮމިޝަންގެ މެމްބަރުކަމަށް މެމްބަރަކު އައްޔަންކުރަން މަޖިލިހަށް ފޮނުވާފައި މި ވަނީ އެ ކޮމިޝަންގެ ނައިބު ރައީސްކަމުގައި ހުންނެވި އިބްރާހިމް ރަޝީދު މިދިޔަ މަހު އިސްތިއުފާ ދެއްވުމުންނެވެ. އޭނާ މަގާމުން އިސްތިއުފާދެއްވީ މަގާމުން ވަކިކުރުމުގެ މަސައްކަތް ރައްޔިތުން މަޖިލިހުން ފެށުމުންނެވެ.
ސީއެސްސީއަށް އަށް އައްޔަންކުރަން ނިންމި މުހައްމަދު މުޖްތާޒު ވަނީ ކުރިން ރައީސް ޔާމިންގެ ވެރިކަމުގައި މިނިސްޓާ އޮފް ސްޓޭޓް ފޯ ޕްރެޒިޑެންޝަލް އެފެއާޒްގެ މަގާމު ފުރުއްވާފައެވެ. އަދި 17 ވަނަ މަޖިލީހުގައި ހަނިމާދޫ ދާއިރާގެ މެންބަރުކަންވެސް މުޖްތާޒު ވަނީ ކުރައްވާފައެވެ.
