ފިލިޕީންސްގެ އެންޓިޕޯލޯ ސިޓީގައި ހުންނަ ޖޭއެންބީ މަލުންގޭ ބޭކަރީގައި މި ހާދިސާ ހިނގީ މިއަދުއެވެ. ބަރަންގޭ ކުޕަންގައި ހުންނަ މި ބޭކަރީގައި މުވައްޒަފުން ނިދާފައި ތިއްބައި ތޫނު އެއްޗަކުން ހަމަލާދީ މަރާލާފައިވަނީ ބޭކަރީގެ ޝެއާ ހޯލްޑަރުންގެ ތެރެއިން މީހެކެވެ.
އޭނާ އެމީހުން "ކަތިލާފައި" ވާކަމަށް ވެސް ރިޕޯޓުތައް ބުނެއެވެ.
ހާދިސާ ރިޕޯޓްކޮށްފައިވަނީ ހެނދުނު 6 ޖަހާއިރުއެވެ. އެންޓިޕޯލޯ ސިޓީ ފުލުހުން މި ހާދިސާ ކަށަވަރުކޮށްފައިވަނީ ހެނދުނު 8 ޖަހާއިރުއެވެ.
ޝައްކުކުރެވޭ މީހާއަކީ މަރާލެވުނު މީހުންގެ ގާތްތިމާގެ މީހެކެވެ. ނަމަވެސް، މި ހާދިސާ ހިންގި ސަބަބު އަދިވެސް ސާފުކޮށް އެނގިފައެއް ނުވެއެވެ. ފުލުހުން ވަނީ ޝައްކުކުރެވޭ މީހާއާއި އާނޭ މިކަން ހިންގި ގޮތުގެ ތަފްސީލް ހޯދުމަށް ތަހުގީގު ކުރަން ފަށާފައެވެ.
