ރަނގަޅު ނަތީޖާ ނުލިބޭ އަދަި ވަޒީފާ ނުލިބޭ ކުދިން 16 އަހަރުވުމުން ނޭޝަނަލް ސާވިސް ޕްރޮގްރާމުގައި ބައިވެރިވާންޖެހޭނެކަަމަށް ރައީސް މުއިއްޒު އިއުލާންކުރެއްވީ މިދޔަ އަހަރގެ ނަސްރުގެ ދުވަސް ފާހަގަކުރަން ބޭއްވި ޖަލްސާގައެވެ. އެމަނިކުފާނު ވިދާޅުވީ މި ޕްރިގްރާމް ގެންދަނީ ގާނޫނު ހަދާ އޭގެ ދަށުންކަމަށެވެ.
ސިފައިންގެ ހިދުމަތަށް 133 އަހަރު ފުރުން ފާހަގަކުރުމަށް ބޭއްވި ރަސްމިއްޔާތުގައި ވާހަކަ ދައްކަވަމުން ރައީސް މުއިއްޒު ވިދާޅުވީ ނެޝަނަލް ސާވިސްގެ މަސައްކަތް އެ ހިދުމަތަށް ކުރިމަތިލުމަށް ހުޅުވައިލުން ދާދިއަވަހަށް އޮންނާނެކަށެވެ. މީ ޒުވާނުންގެ އަހްލާގު ރަނގަޅުކުރުމަށާއި ސިފައިންގެ އަށް ބޭނުންވާ ކެޕޭސިޓީ އިތުރުކުރުމަށް ހިންގޭ ޕްރޮގްރާމެެއްކަމަށް ރައީސް މުއިއްޒު ވިދާޅުވިއެވެ.
މި ޕްރޮގްރާމް ހިންގުމަށް ބަޖެޓުގައި މިދިޔަ އަހަރުވެސް 400 މިލިއަން ރުފިޔާ ހިމަނުއްވާފައިވާކަން ފާހަގަކުރައްވަމުން ރައީސް ޑރ. މުއިއްޒު ވިދާޅުވީ ކުރިއަށް އޮތްތަނުގައި ކޮންމެ އަހަރަކުވެސް އެ ޕްރޮގްރާމަށް 400 މިލިއަން ރުފިޔާ ބަޖެޓްގައި ހިމަނުއްވާނެކަމަށެވެ.
