ފައްޔާޒް އެކްސްގައި ކުރެއްވި ޕޯސްޓެއްގައި ވިދާޅުވެފައިވަނީ މިފަދަ ހާލަތެއްގައި އެކިއެކި ފަރާތްތަކަށް ތުހުމަތު ކުރުމުގެ ބަދަލުގައި މުހިންމީ ހާދިސާއާ ގުޅޭ ތެދު މައުލޫމާތު ހާމަކުރުން ކަމަށެވެ.
މިއީ 2013 ވަނަ އަހަރު އެމްޑީޕީން ރިޔާސީ އިންތިހާބަށް ހުށަހެޅި ސިޔާސަތެއް ކަމަށް ފާހަގަކޮށްލެވެއެވެ. މި ސިޔާސަތަކީ އެ ޕާޓީން އޭރު "މަޖާކުރުން: ބިރަކާ ނުލާ ފޫހިފިލުވުން" ގެ ނަމުގައި ހުށަހެޅި ކުޅިވަރާއި މުނިފޫހިފިލުވުމާ ގުޅޭ ސިޔާސަތެކެވެ.
ރައީސްގެ ވާހަކަފުޅަށް ރައްދު ދެއްވަމުން ފައްޔާޒް ވިދާޅުވެފައިވަނީ "ގައުމެއްގެ ރައީސުލްޖުމްހޫރިއްޔާގެ ބަސްމަގު، ޒުވާނުންނާއި މުޅި ގައުމުގެ ކަންބޮޑުވުމަށް ފަރުވާލެއް ނުބަހައްޓައި ޒިންމާއިން ރެކުމަށް ތިޔަ ކުރައްވާ މަސައްކަތް މި ގައުމުގެ ރައްޔިތުން ބަލައެއް ނުގަންނާނެ" ކަމަށެވެ.
މިދިޔަ ހުކުރު ދުވަހުގެ ރޭ ހ. ފެންޓެނޯއީ ގޭގެ ނުވަ ވަނަ ފަންގިފިލާއިން ޔުމްނު ވެއްޓުނު މި ހާދިސާއަކީ ރައްޔިތުންގެ މެދުގައި ވަރަށް ބޮޑަށް ވާހަކަ ދެކެވެމުންދާ މައުޟޫއަކަށް ވެފައިވާއިރު، ސިޔާސީ ލީޑަރުންގެ ބަސްމަގުން މިފަދަ ނާޒުކު މައްސަލަތައް އިތުރަށް ފުންވަމުން ދާކަން ފާހަގަކުރެވެއެވެ.
