މި ހޭޝްޓެގް ބިލިއަނަކަށްވުރެ ގިނަ ވިއުސް ހޯދާފައިވާއިރު، އެމެރިކާގައި ސޯޝަލް މީޑިއާ މެދުވެރިކޮށް ހިންގޭ ސެންޓު ވިޔަފާރީގެ 45 ޕަސަންޓު އަކީ ޓިކްޓޮކް މެދުވެރިކޮށް ކުރެވޭ ވިޔަފާރިކަން ދިރާސާތަކުން ދައްކައެވެ.
"ޖެން ޒީ" ގެ 83 ޕަސަންޓު މީހުން ސެންޓު ބޭނުންކުރަމުންދާއިރު، މި ޓްރެންޑަށް އެންމެ ބޮޑު އަސަރެއް ކުރަނީ ޖެރެމީ ފްރޭގްރަންސް ފަދަ އިންފްލުއެންސަރުންގެ ކޮންޓެންޓްތަކެވެ.
ޓިކްޓޮކްގައި ވައިރަލްވާ ސެންޓުތަކުގެ ތެރޭގައި "ފްރެޝްލީ ކަޓް ގްރާސް" ފަދަ އާދަޔާ ހިލާފު ސެންޓުތަކާއި ލުއި ވުއިޓޮން ގެ "ޖެނެރޭޝަނަލް ވެލްތް" އާ ގުޅުވައިގެން ވިއްކާ ހިލަ ވަސް ދުވާ ސެންޓުތައް ހިމެނެއެވެ. "ރިޗް އޯލްޑް ވިމަން" ފަދަ ސެންޓުތަކުގެ ވީޑިއޯތައްވެސް ވަރަށް މަގުބޫލުވެފައިވެއެވެ.
ޓިކްޓޮކްގައި ޕާފިއުމް ރިވިއުތަކާއި ކަނު ބަދެގެން ސެންޓު ޓެސްޓުކުރާ ވީޑިއޯތައް ވައިރަލްވުމުގެ ސަބަބުން ގިނަ ބަޔަކު ކުއްލި ގޮތަކަށް ސެންޓު ގަންނަން ޝައުގުވެރިވެފައިވެއެވެ.
ނަމަވެސް ބައެއް ފަރާތްތަކުން ބުނާގޮތުގައި މިފަދަ ހައިޕްގެ ސަބަބުން ސެންޓުތަކުގެ އަގުތައް މައްޗަށް ދިއުމާއި، ކޮމްޕްލެކްސް ސެންޓުތަކުގެ ހަގީގީ ތަޖުރިބާ ގެއްލިގެން ދިއުމުގެ ފުރުސަތު އެބައޮތެވެ.
