މިކަން ހިނގާފައިވަނީ ހުޅުމާލޭ ސްކޫލެއްގައެވެ. އެ ކުއްޖާ ނުކުމެގެން ގޮސްފައިވަނީ ސްކޫލް ގަޑީގައެވެ. އަދި އެ ދަރިވަރު ނުކުމގެން ދިޔައީ ޓީޗަރުން ބޭނުންކުރާ ގޭޓުން ނުކުމެގެން ދިޔަ މައްސަލައެކެވެ.
އެޑިއުކޭޗަން މިނިސްޓަރު ޑރ. އިސްމާއިލް ޝަފީއު ފޭސްބުކުގައި ކުރެއްވި ޕޯސްޓެއްގައި ވިދާޅުވީ އެ ދަރުވަރު ސްކޫލުން ނުކުމެގެން ދިޔަ މައްސަލަ މިނިސްޓްރީގެ ސަމާލުކަމަށް އައީ މިއަދު ހަވީރު 3:11 ގައި ކަމަށެވެ. އަދި ފުލުހުންގެ އެހީތެރިކަމާއި އެކު ކުރި މަސައްކަތުން އެ ކުއްޖާ ފެނުނީ އޭގެ ވިއްސަކަށް މިނެޓް ފަހުން 3:31 ހާއިރުކަމަށާއި އެ ދަރިވަރަށް އެއްވެސް ގެއްލުމުއް ލިބިފައިނެތް މިނިސްޓަރު ޝަފީއު ވިދާޅުވިއެވެ.
މިނިސްޓަރު ޝަފީއު ވިދާޅުވީ މި ހާދިސާގެ ވާހަކަ އެފްބީގައި ލިޔުއްވީ އެފަދަ ކަމެއް ހިނގުމުން ނުފޮރުވާ ބާއްވަން ވެގެންކަމަށާއި ކަންކަން ރަނގަޅުކުރުމަށްކަމަށެވެ.
ދެވަނަ ކަމެއްގޮތުގައި މިނިސްޓަރު ވިދާޅުވީ ކުއްޖާ ނުކުތީ ތަޅުލެވިފައި ހުންނަން ޖެހޭ ގޭޓަކުން ކަމުން އެކަން ތަކުރާރު ނުވާނޭގޮތަށް ފިޔަވަޅު އަޅަން ބޭނުންވާތީކަމަށެވެ.
މި މައްސަލަ ގައި އިހްމާލުވީ ކޮން ބައެއްކަމެއް އަދި މިނިސްޓްރީ އަކުން ނުބުނެއެވެ.
