ފުލުހުން ބުނީ މާލެގައި ކެފޭ އުސޫލުން މަސްތުވާތަކެތީގެ ވިޔަފާރިކޮށް ބޭނުންކުރާ ތަންތަން ދެނެގަނެ، އެފަދަ ތަންތަން ބަންދުކުރުމަށް ހާއްސަ މަސައްކަތްތަކެއް ކުރަމުން އަންނަކަމަށެވެ. އެގޮތުން ކުރާ މަސައްކަތުގެ ފޮޓޯތަކެއް ފުލުހުން ވަނީ ހިއްސާކޮށްފައެވެ.
އެ ފޮޓޯތަކުން ފެންނަނީ ތަނެއްގައި ފުލުހުން ތަނެއްގައި ފިލާ ޖަހާ ބަންދުކުރާ ތަނެވެ. އެހެންނަމަވެސް އެ ބަންދުކުރި ތަނަކާއި އެނޫންވެސް އިތުރު އެއްވެސް ތަފްސީލެއް ފުލުހުން ހާމަކޮށްފައެއް ނުވެއެވެ.
ޑްރަގު ކެފޭއެއްކަމަށް ބުނާ ތަނެއް ފުލުހުން ފިލާ ޖަހާ ބަންދުކުރަނީ
ފުލުހުން ބުނީ އެ މަސައްކަތްތަކަކީ މަސްތުވާތަކެތީގެ ވިޔަފާރި ކުރުން ހުއްޓުވައި، މުޖުތަމައު މަސްތުވާތަކެތީގެ ގެއްލުންތަކުން ރައްކާތެރިކުރުމަށް ފުޅާ ދާއިރާއެއްގައި ކުރެވޭ މަސައްކަތުގެ ބައެއްކަމަށެވެ. ފުލުހުން ދަނީ މަސްތުވާތަކެތީގެ ވިޔަފާރި ކުރާ ފަރަތްތަކަށް އަމާޒުކޮށްގެން މަސައްކަތްތަކެއް ކުރަމުންކަމަށްވެސް ފުލުހުން ބުނެއެވެ.
