މީހާރު ރައީސް އޮފީހުގައި ކުރިޔަށްދާ ނޫސްވެރިންގެ ބައްދަލުވުމުގައި ވާހަކަ ދައްކަވަމުން ރައީސް މުއިއްޒު ވިދާޅުވީ ލާމަރުކަޒީ ނިޒާމު މި ސަރުކާރުން ވަރަށް ޗެމްޕިއަން އެބަ ކުރައްވާކަމަށާއި ކުރައްވާ މަސައްކަތްތައް ފެންނަ ހުންނާނެކަމަށެވެ.
ރައީސް މުއިއްޒު ވިދާޅުވީ އަތޮޅު ކައުންސިލަތަކަކީ އެއްގޮތަކަށްވެސް ބޭނުން އެއްޗެއް ނޫންކަމަށާއި މުހިއްމީ ރަށު ކައުންސިލްތައްކަމަށެވެ.
އަތޮޅު ކައުންސިލްތައް އުވާލެވޭނީ ގާނޫނު އަސާސީ އިސްލާހުކޮށްގެންކަމަށާއި އެހެންކަމުން އެ އިސްލާހު މަޖިލިހަށް މިއަހަރު ހުށައަޅުއްވަން ނިންމަވާފައިވާކަން ރައީސް މުއިއްޒު ވިދާޅުވިއެވެ.
