ހުޅުމާލެ ދެވަނަ ފިޔަވަހީގައި އަޅާ މި ސްކޫލްގެ ބިންގާ އަޅާފައިވަނީ ޑިސެމްބަރު 25، 2023ގައެވެ. 1,700 ކުދިންގެ ޖާގައިގެ މި ސްކޫލްގެ މަސައްކަތް ހަވާލުކޮށްފައިވަނީ ކޮންޓްރެކްޓާ ފައިނޭންސް އުސޫލުން ރަޝީދު ކާޕެންޓްރީ ކޮމްޕެނީ (އާރްސީސީ) އާއެވެ.
ރައްޔިޔުން މަޖިލީހުގެ މެމްބަރަކު ކުރެއްވި ސުވާލަކަށް ޖަވާބު ދެއްވަމުން އެޑިއުކޭޝަން މިނިސްޓަރު ޑރ. އިސްމާއިލް ޝަފީއު ވިދާޅުވީ ސަރުކާރުން ދެވަނަ ފިޔަވަހީގައި އިމާރާތްކުރާ ސްކޫލްގެ މަސައްކަތް މި އަހަރުގެ ނޮވެމްބަރު މަހު އެއްކޮށް ނިމޭނެ ކަމަށެވެ. އަދި ހުޅުމާލޭގެ ދެވަނަ ފިޔަވަހީގައި އެންމެ ސްކޫލެއް ހުރުމުގެ ސަބަބުން އެ ސަރަހައްދުގައި ދިރިއުޅޭ ރައްޔިތުންނަށް ބޮޑެތި ތަކުލީފުތަކެއް އުފުލުން ޖެހިފައިވާކަމަށް މިނިސްޓަރު ވިދާޅުވިއެވެ.
ހުޅުމާލެ ފޭސް އެކެއްގައި ޕޮލްކޯ އަދި ސިފްކޯ ޓަވަރުތައް ހުންނަ ސަރަހައްދުގައި ސްކޫލެއް ނެތުމުގެ ސަބަބުން އެކަމުގެ ދަތިތަކާއިވެސް ކުރިމަތިވަމުން އަންނަކަމަށެވެ. އެގޮތުން މި އަހަރު ތެރޭ އިތުރު ދެ ސްކޫލެއްގެ މަސައްކަތް ހުޅުމާލޭގައި ފަށާނެ ކަމަށެވެ. އޭގެތެރެއިން އެއް ސްކޫލް ފޭސް ދޭއްގައި އަޅާއިރު އަނެއް ސްކޫލް އަޅާނީ ފޭސް އެކެއްގައި ޕޮލްކޯ އަދި ސިފްކޯ ޓަވަރުތައް ހުންނަ ސަރަހައްދުގައިކަމަށެވެ.
