މިއީ މާކް ފައުންޑޭޝަނާއި ރާއްޖޭގެ ފަސްޓް ލޭޑީ ސަޖިދާ މުހައްމަދާ ދެމެދު ވެވުނު އެއްބަސްވުމެއްގެ ދަށުން ކުރިއަށް ގެންދާ ކަމެކެވެ. މި އެއްބަސްވުމުގައި ސޮއިކުރީ މިއަދު ކަމަށް ބައިނަލްއަގުވާމީ މީޑިއާގައި ރިޕޯޓު ކޮށްފައިވެއެވެ.
މި ސްކޮލަރޝިޕްތަކަކީ ދަރިމައިވުމުގެ މައްސަލަތަކާއި، އެމްބްރިއޮލޮޖީ، ކެންސަރު ބަލިތަކާއި، ހަކުރު ބަލީގެ ފަރުވާއާ ގުޅޭ ދާއިރާތަކުން ޑޮކްޓަރުން ތަމްރީނުކުރުމަށް ދޭ ސްކޮލަރޝިޕްތަކެކެވެ.
މި އެއްބަސްވުމުގެ ދަށުން ދަރިމައިވުމުގެ މައްސަލަތަކާ ގުޅިގެން މުޖުތަމައުގައި އޮންނަ ނޭދެވޭ ވިސްނުން ބަދަލުކުރުމަށްވެސް މަސައްކަތްކުރާނެއެވެ. އަދި ޖެންޑާ ބޭސްޑް ވަޔަލަންސް ހުއްޓުވުމަށްވެސް ޕްރޮގްރާމްތަކެއް ހިންގުމަށް ވަނީ ނިންމާފައެވެ. މި ކަންކަމަށް މީޑިއާ ކެމްޕޭންތަކާއި، ތައުލީމީ ޕްރޮގްރާމްތައް ހިންގައި، މުޖުތަމައުގެ ވިސްނުން ބަދަލުކުރުމަށް މަސައްކަތްކުރާނެއެވެ. ފަސްޓް ލޭޑީ ސަޖިދާ މުހައްމަދު ވަނީ މާކް ފައުންޑޭޝަންގެ "މޯ ދެން އަ މަދަރ" ކެމްޕޭންގެ އެމްބެސެޑަރަކަށް އައްޔަންކޮށްފައެވެ.
މި އެއްބަސްވުމަކީ މި މެއި މަހު 2 ވަނަ ދުވަހު ރާއްޖޭގެ ހެލްތް މިނިސްޓްރީއާއި މާކް ފައުންޑޭޝަނާ ދެމެދު ބޭއްވުނު މަޝްވަރާތަކަށްފަހު ވެވުނު އެއްބަސްވުމެކެވެ. މި މަޝްވަރާތަކުގައި މާކް ފައުންޑޭޝަންގެ ސީއީއޯ ސެނެޓާ ޑރ. ރަޝާ ކެލެޖާއި، މާކް ފައުންޑޭޝަންގެ ބޯޑު އޮފް ޓްރަސްޓީސްގެ ޗެއަރމަން ޕްރޮފެސާ ފްރޭންކް ސްޓެންގެންބާގް-ހެވަރކެމްޕް ބައިވެރިވިއެވެ. މި އެއްބަސްވުމުގެ ދަށުން ރާއްޖޭގެ ހެލްތްކެއަރ ހަރުދަނާކުރުމަށް މަސައްކަތްކުރާނެއެވެ. ނަމަވެސް ރާއްޖޭގެ ރަށްތައް ވަކިވަކިން އޮތުމާއި، ސަގާފީ ގޮތުން ހުރި ގޮންޖެހުންތަކާއި، ރާއްޖޭގެ ދަރަނީގެ މައްސަލަތަކަކީ މި ޕްރޮގްރާމްތައް ކުރިއަށް ގެންދިއުމަށް ހުރި ގޮންޖެހުންތަކެއް ކަމަށް ފާހަގަކުރެވެއެވެ
