އެ ކުންފުނިން ބުނީ މީ ކަސްޓަމަރުންނަށް ފެން ބިލު ދެއްކުމުގައި ލުއި މަގެއް ފަހިކޮށްދިނުމަށް ކުރާ މަސައްކަތުގެ ތެރެއިން ކުރިޔަށް ގެންދާ ޕްރޮގްރާމެއްކަމަށެވެ.
މި ޕްރޮގްރާމުގެ ތެރެއިން މައާފުކޮށްދޭން ނިންމާފައިވަނީ މިދިޔަ އަހަރުގެ ޑިސެންބަރު 31ގެ ނިޔަލަށް އާރާފައިވާ ޖޫރިމަނާ އެމްޑަބްލިއުއެސްސީން ބުނެއެވެ.
އެ ކުންފުނިން ބުނީ ޖޫރިމަނާ މަޢާފްކޮށްދޭނީ އެ ޖޫރިމަނާ އަރާފައިވާ ބިލްތަކަށް ދައްކަން ޖެހޭ ޖުމްލަ ފައިސާ މި މަހު އެކަކުން ފެށިގެން މި އަަހަރުގެ ޑިސެމްބަރު 31 އާ ދެމެދު ދެމެދު ދައްކައި، ހަލާސްކުރާ ކަސްޓަމަރުންނަށް ކަމަށެވެ.
މީގެއިތުރުން، އެއްބަސްވުމެއްގެ ދަށުން އެ ބިލްތަކަށް މަހުން މަހަށް ބަހާލައިގެން ފައިސާ ދައްކާ ނިންމަން އެދޭ ފަރާތްތަކަށް އެފުރުސަތުވެސް ލިބިގެންދާނެކަށް އެމްޑަބްލިއުއެސްސީން ބުނެއެވެ. އަދި އެއްބަސްވުން ހަދާ ފަރާތަކަށް ޖޫރިމަނާ މައާފުކޮށްދޭނީ އެއްބަސްވުމާއި އެއްގޮތަށް ފައިސާ ދައްކާ ނިމުމުންްކަމަށްވެސް އެމްޑަބްލިއުއެސްސީން ބުނެއެވެ.
އެމްޑަބްލިއުއެސްސީން ބުނީ މި ކަމާއި ގުޅޭ ތަފްސީލުތައް 105 ގުޅައިގެން ނުވަތަ 1050 އަށް އެސްއެމްއެސްއެއް ފޮނުއްވައިގެން ނުވަތަ މެއިލް މެދުވެރިކޮށްވެސް ލިބޭނެކަމަށެވެ.
މީގެ ކުރިންވެސް އެމްޑަބްލިއުއެސްސީން ވަނީ ޖޫރިމަނާގެ ގޮތުގައި އަރާފައިވާ ބޮޑު އަދަދެއްގެ ފައިސާ އެ ކުންފުނީގެ ކަސްޓަމަރުންނަށް މައާފުކޮށްދީފައެވެ.
