އޭޝިއާ ސަރަހައްދުގެ ގާނޫނީ ވަކީލުންގެ ޖަމިއްޔާތަކުގެ އެންމެ އިސް ފަރާތުގެ ގޮތުގައބަލާ ލޯ އޭޝިއާ އިން ނެރުނު ބަޔާނެއްގައިވަނީ އެކި ފަރާތްތަކުން ފާޅުކޮށްފައިވާ ކަންބޮޑުވުންތަކަށް ހައްލެއް ލިބެންދެން ސުޕްރީމް ކޯޓުގެ ދެ ފަނޑިޔާރަކު ވަކި ކުރަން ސަރުކާރުން މިހާރު ކުރަމުންދާ މަސައްކަތް މަޑުޖައްސާލަން ގޮވާލާފައެވެ.
ލޯއޭޝިޔާގެ ބަޔާނުގައި ބުނެފައި ވަނީ ދިވެހިރާއްޖޭގެ ބާ ކައުންސިލުން އެ މައްސަލައިގައި ފާޅުކޮށްފައިވާ ކަންބޮޑުވުންތަކަށް ހައްލެއް ލިބުމުގެ ކުރިން ފަނޑިޔާރުން ވަކި ކުރުމުގެ މަސައްކަތް ކުރިއަށް ނުގެންދިޔުމަށެވެ.
ފަނޑިޔާރުން ވަކި ކުރުމުގެ ހުރިހާ މަރުހަލާއެއްގައި ދެފުށް ފެންނަންޖެހޭ ކަމަށް ވެސް ލޯއޭޝިޔާއިން ބުންޏެވެ. އަދި ފަނޑިޔާރުން ވަކި ކުރަން ގެންގުޅޭ އުސޫލަކީ އިންސާފު، އަދުލުވެރި އުސޫލެއްކަން ކަށަވަރު ކުރަން ވެސް އެ ޖަމިއްޔާއިން ގޮވައިލި އެވެ.
