ސުޕްރީމް ކޯޓުގެ ދެ ފަނޑިޔާރުންކަމަށްވާ ޑރ. އަޒްމިރާލްދާ ޒާހިރާއި ފަނޑިޔާރު މަހާޒް އަލީ ޒާހިރު ވަކިކުރުމުގެ މަަސައްކަތް ހިނގަމުން ދަނީ އިންސާފުން ބޭރުން ކަމަށް ބެލެވޭކަމަށް ބުނެ އެކަމުގެ ކަންބޮޑުވުން ހިއުމަން ރައިޓްސް ކޮމިޝަން (އެޗްއާރުސީއެމް) ފާޅުކޮށްފިއެވެ.
ފަނޑިޔާރުން ވަކިކުރަނީ ގޮނޑީގެ މައްސަލަ ބަލާތީ: އެޗްއާރުސީއެމް
Advertisement
ފަނޑިޔާރުން ވަކިކުރަން އުޅޭތީ އެކަމުގެ ކަންބޮޑުވުން ފާޅުކޮށް އެޗްއާރުސީއެމުން ބަޔާނެއް ނެރެފައިވަނީ މިވަނީ އެ ދެން ފަނޑިޔާރުން ވަކިކުރިމަށް މަޖިލީހުގެ ތަޅުމަށް ފޮނުވަން ޖުޑިޝަރީ ކޮމެޓީން ނިންމާފައިވަނިކޮށެވެ.
އެޗްއާރުސީއެމުން މިއަދު ނެރުނު ބަޔާނެއްގައި ބުނީ ޕާޓީން ވަކިކޮށް ގޮނޑި ގެއްލުވައިލެވޭ ގޮތަށް ގާނޫނުއަސާސީއަށް ގެނައި އިސްލާހުގެ މައްސަލަ ބަލަމުން ދަނިކޮށް ސުޕްރީމް ކޯޓުގެ ފަނޑިޔާރުން ސަސްޕެންޑްކޮށް ދެން ހިނގައިދިޔަ ކަންކަމުން އެއީ އެ މައްސަލަ ކުރިއަށް ގެންދަން ހުރަސް އެޅުން ކަމަށް ބެލުމުގެ ފުރުސަތު ބޮޑުކަމަށެވެ.
" ދުސްތޫރީ މައްސަލައިގެ ޝަރީއަތުގެ މަޖިލިސް ފެށުމަށް ކުޑަތަންވެފައިވަނިކޮށ،ް ދިވެހިރާއްޖޭގެ ސުޕްރީމް ކޯޓުގެ ފަނޑިޔާރުންގެ ތެރެއިން ފަނޑިޔާރު އަލްއުސްތާޒު ހުސްނުއް ސުއޫދު ފަނޑިޔާރު އަލްއުސްތާޒޫ މަހާޒު އަލީ ޒާހިރު އަދި ފަނޑިޔާރު ޑރ. އަޒްމިރާލްދާ ޒާހިރު ސަސްޕެންޑް ކުރެއްވުމަށް ޖުޑީޝަލް ސާވިސް ކޮމިޝަނުން ނިންމެވުމަކ،ީ އިސްވެ ދެންނެވުނު ދުސްތޫރީ މައްސަލަ ކުރިއަށްގެންދިޔުމަށް ހުރަސް އެޅިގެންދާ ފަދަ ގޮތަކަށ،ް އަދި މައްސަލައިގައި ޝަރީއަތް ކުރައްވާ ފަނޑިޔާރުންނަށާއި އެމައްސަލާގެ އިޖުރާއަތުތަކަށާއި ނިންމުންތަކަށް ނުރަނގަޅު ނުފޫޒު ފޯރުވުމަށް ކޮށްފައިވާ ކަމެއްކަމުގައި ބެލުމުގެ އިހުތިމާލު ފާޅުކަން ބޮޑު ގޮތެއްގައި އޮތަތ،ީ މިއީ މިކޮމިޝަނުން ކަންބޮޑުވާ ކަމެއްކަމުގައި ދަންނަވަން." އެޗްއާރސީއެމުން ނެތުނު ބަޔާނުގައިވެއެވެ.
ޖޭއެސްސީގެ ނިންމުމާ މެދު މަޖިލީހުގެ ކޮމިޓީން އަމަލުކުރި ގޮތާމެދުވެސް އެޗްއާރުސީއެމުން ވަނީ ކަންބޮޑުވުން ފާޅުކޮށްފައެވެ. އެގޮތުން ރައްޔިތުންގެ މަޖިލީހުގައި ޖަވާބުދާރީވުމުގެ ފުރުސަތަށް ފަނޑިޔާރުން އެދިވަޑައިގަތް ނަމަވެސް އެފަދަ ފުރުސަތެއް ނުދީވާކަން ކޮމިޝަނުން ވަނީ ފާހަގަކޮށްފައެވެ. އަދި ރައްޔިތުންގެ މަޖިލީހުގެ ޖުޑީޝަރީ ކޮމިޓީގެ ބައްދަލުވުންތައް ވެސް ސިއްރުކޮށްގެން ގެންގޮސް ފަނޑިޔާރުން ވަކިކުރަން ކޮމިޓީން ފާސްކުރި ކުރުންވެސް އެޗްއާރުސީއެމުން ވަނީ ކަންބޮޑުވުން ފާޅުކޮށްފައެވެ.
