ފެމެލީ ކޯޓުން ބުނީ މިއަދަކީ މި އަހަރުގެ މިހާތަނަށް މިކޯޓުގައި އެއްދުވަހާ އެންމެ ގިނަ ކާވެނި އަގުދު ކޮށްދިނުމަށް ހަމަޖެހިފައިވާ ދުވަސްކަމަށެވެ.
ފެމެލީ ކޯޓުން ބުނީ މިއަދުގެ ރީތި ތާރީހު 25-05-25 ގައި 59 ކައިވެނި މާލޭގައި ކޮށްދިނުމަށް ހަމަޖެހިފައިވާކަަމަށެވެ. އެ ކޯޓުން ބުނީ މިއަދުގެ ރަސްމީ ގަޑީގައި 23 ކައިވެނިކުރަން ހަމަޖެހިފައިވާކަމަށެވެ. އަދި ނުރަސްމީ ގަޑީގައި 36 ކައިވެނި ކޮށްދޭން ހަމަޖެހިފައިވާކަމަށެވެ.
މިއަދުގެ ރީތި ތާރީހާ ގުޅުވައިގެން ކައިވެނި ހަފްލާތަކަށް ކޯޓު ތައްޔާރުކޮށްފައި
މިއަދަކީ މިއަހަރު އެންމެ ގިނަ ކައިވެނިކޮށްދޭން ހަމަޖެހިފައިވާ ދުވަސްކަމުގައިވާތީ ކޯޓަށް އަންނަ ފަރާތްތަކަށް ލުއިފަސޭހަ ކޮށްދިނުމުގެ ގޮތުން ކޯޓުން ވަނީ ހާއްސަ އިންތިޒާމުތަކެއް ހަމަޖައްސާފައިކަމަށް ފެމިލީކޯޓުން ބުނެއެވެ.
މިދިޔަ އަހަރު އެންމެ ފަހުން އައި ރީތި ތާރީހު، 24-12-24 ގައި މާލޭގައި 52 ކައިވެނި ވަނީ ކޮށްފައެވެ.
ކުރިން ހަފުތާ ބަންދު ދުވަސްތަކުގައި ކޯޓުގައި ކައިވެނިކޮށް ނުދިން ނަމަވެސް ގިނަ މީހުންގެ އެދުމުގެ މަތިން މި އަހަރު ހަފުތާ ބަންދު ދުވަސްތަކުގައިވެސް ކޯޓުގައި ކައިވެނިކޮށްދޭނެ ފެމެލީ ކޯޓުން ވަނީ ނިންމައިފައެވެ.
