ފުޓްސަލް ޓީމުން ހޯދި ކާމިޔާބު ފާހަގަކުރަން ސްޕޯޓްސް މިނިސްޓްރީން މާދަމާ ރޭ ބާއްވާ ހަރަކާތުގައި ރައީސް މުއިއްޒު އެ ޓީމާ މުހާތަބުކޮށް ވާހަކަފުޅު ދައްކަވާނެ ކަމަށް އެ މިނިސްޓްރީން ބުންޏެވެ.
މިނިސްޓްރީން ބުނީ ސާފްގެ ފުރަތަމަ ފުޓްސަލް ޗެމްޕިއަންޝިޕްގެ ތަށި ރައީސްގެ އަތްޕުޅަށް ގައުމީ ޓީމުން އަރުވާނެ ކަމަށާއި އޭގެ ފަހުން ހަވާ ކުރިއަށް ދާނީ ތިން މިނިޓަށެވެ.
ތައިލެންޑްގެ ވެރިރަށް ބެންކޮކްގައި އޮތް މުބާރާތުގެ ކާމިޔާބީއަށް ފަހު ރާއްޖޭގެ ޓީމު މާލެ އަަންނަނީ މާދަމާ ރޭ 7:45ގަ އެވެ. އެއާޕޯޓުން ޓީމަށް މަރުހަބާ ވިދާޅުވާނީ ސްޕޯޓްސް މިނިސްޓަރު އަބްދުﷲ ރާފިއު އާއި އެފްއޭއެމްގެ އިސް ވެރިންނެވެ.
ކުޅުނު ހުރިހާ މެޗެއް ކާމިޔާބުކޮށްގެން ރާއްޖެ މި މުބާރާތް ނިންމާލިއިރު، މިއީ ސަރަހައްދީ ގޮތުން ބޭއްވި ފުރަތަމަ ފުޓްސަލް މުބާރާތެވެ. މި މުބާރާތުގެ ކާމިޔާބީއާއެކު ސަރުކާރުން ވަނީ އިތުރު އިންވެސްޓުމަންޓު ތަކެއް ފުޓްސަލްއަށް ކުރުމަށް ނިންމާފަ އެވެ.
