ފުލުހުން ބުނީ ޝަހީދު ކުޑަނެވި ތުއްތުމަނިކު ހިނގުމުގައި މީހަކަށް ތޫނު އެއްޗަކުން ހަމަލާދީ ޒަހަމްކޮށްލާފައިވާ މައްސަލައެއް ރޭ ދަންވަރު 03:10 ހާއިރު ފުލުހުންނަށް ރިޕޯޓުކޮށްފައި ވާކަމަށެވެ.
މި މި މާރާމާރީގައި ޒަހަމްވެފައިވަނީ ބަންގްލަދޭޝްގެ ފިރިހެނަކަށް ކަމަށާއި އެ މީހާއަށް ފަރުވާދިނުމަށް އައިޖީއެމްއެޗަށް ގެންގޮސްފައިވާ ކަމަށްވެސް ފުލުހުން ބުނެއެވެ. އެހެންނަމަވެސް އެމީހާއަށް ލިބިފައިވާ ޒަހަމްތަކުގެ ތަފްސީލެއް ފުލުހުން ނުދެއެވެ.
މި މައްސަލާގައި މިހާތަނަށް އަދި މީހަކު ހައްޔރުކޮށްފައި ނުވިނަމަވެސް މައްސަލަ ތަހުގީގުކުރަމުން އަންނަކަމަށް ފުލުހުން ބުނެއެވެ.
ފަހަކަށް އައިސް މާލޭގައި މާރާމާރީައް އިތުރުވެ ތޫނު އެއްޗަތިން ހަމަލާދިނުންވެސް ވަނީ އިތުރުވެފައެވެ. މިދިޔަ ހޮނިހިރު ދުވަހުވެސް ވަނީ ހުޅުމާލޭގައި ކެފޭއެއްގެ ކައިރީގައި މާރާމާރީއެއް ހިންގާ މީހެއްގެ ނޭފަތް ފަޅާލާފައެވެ.
