މި ބައްދަލުކުރެއްވުމުގައި ނައިބުރައީސް އާއި އޮސްޓްރޭލިއާގެ ބޮޑުވަޒީރުގެ ނައިބު ވަނީ ދެ ގައުމުގެ ގުޅުން ބަދަހިކުރުމާ ގުޅޭ ގޮތުން މަޝްވަރާ ކުރައްވާފަ އެވެ.
ރައީސް އޮފީހުގައި މިއަދު ކުރިއަށް ގެންދިޔަ މި ބައްދަލުވުމުގައި ސަލާމަތީ ގުޅުން ބަދަހި ކުރުމާއި ޓޫރިޒަމް ދާއިރާއިން ގުޅުން ބަދަހިކުރުމަށް މަޝްވަރާ ކުރި ކަމަށް އެ އޮފީހުން ބުންޏެވެ.
އޭގެ އިތުރުން މި ބައްދަލުވުމުގައި، ތިމާވެށި ރައްކާތެރި ކުރުމަށާއި މޫސުމީ ބަދަލުތަކާ ގުޅިގެން ކުރިމަތިވާ ގޮންޖެހުންތަކުން އަރައިގަތުމަށް ދެ ގައުމުން ހިއްސާކުރާ ލަޑުދަނޑިތަކާމެދު ނައިބު ރައީސް އަދި ރިޗާޑް މަޝްވަރާ ކުރެއްވި ކަމަށް ވެސް ރައީސް އޮފީހުން ބުންޏެވެ.
އެ ގައުމުގެ ޑެޕިއުޓީ ޕްރައިމް މިނިސްޓަރުގެ ގޮތުގައި ވެސް ހުންނެވި ރިޗާޑް މާލެ ވަޑައިގެންނެވީ ރޭގެ ވަގުތެއްގަ އެވެ. އޭނާއަށް ވެލާނާ އިންޓަނޭޝަނަލް އެއާޕޯޓުން މަރުހަބާ ދެންނެވީ ރާއްޖޭގެ ޑިފެންސް މިނިސްޓަރު ގައްސާން މައުމޫން އެވެ.
ގައްސާން ގެ އިތުރުން އެމްއެންޑީއެފް އަދި ފޮރިން މިނިސްޓްރީގެ އިސްވެރިން ވެސް އެއާޕޯޓުން އޭނާއަށް މަރުހަބާ ދެންނެވި އެވެ.
