މި ގޭމް މުޅި ގައުމުގައި ތޫފާނެއްގެ ގޮތުގައި ނަގަމުން އަންނަ އިރު، މުބާރާތްތަކުގެ ކުރިއެރުމާއި މުޅި ރާއްޖޭގައި ޒުވާޏުންގެ މެދުގައި ފޯރި އަންނަނީ ބޮޑުވަމުން ނެވެ.
ޕަބްޖީ މޯބައިލް ނޭޝަނަލް ޗެމްޕިއަންޝިޕް މޯލްޑިވްސް ސްޕްރިންގް 2025 ފަދަ ބޮޑެތި މުބާރާތްތަކުން ފެށިގެން، ކޮމިއުނިޓީ އަމާޒުކޮށްގެން ބާއްވާ ދިރާގު މޯލްޑިވްސް ގޭމިން ކޮންކެސްޓް (ޑީއެމްޖީސީ) އާ ހަމައަށް، މުޅި ގައުމުގައި ގޭމަރުން ދަނީ ސްޕޮޓްލައިޓަށް ފިޔަވަޅު އަޅަމުންނެވެ.
މިދިޔަ އޭޕްރީލް މަހު ބޭއްވުނު ޕީއެމްއެންސީ މޯލްޑިވްސް ސްޕްރިންގް ފައިނަލްގައި ލޯކަލް ޓީމުތަކުން ވަނީ ކުރިއަރަމުން އަންނަ ހުނަރާއި ވަރުގަދަ ވާދަވެރިކަން ދައްކާލާފަ އެވެ. މީގެ އިތުރުން ދިރާގުގެ ޑީއެމްޖީސީ 2025 އިން ގައުމީ ފެންވަރުގެ މުބާރާތްތަކުން ކުޅުންތެރިން އެއްބައިވަންތަ ކުރަމުންދާއިރު، ދިރާގު ގޭމާސް ގިލްޑް (ޑީޖީޖީ) އާއި އުރީދޫ ނޭޝަން ފަދަ ޕްލެޓްފޯމްތަކުން ދަނީ ހާއްސަ އިވެންޓްތަކާއެކު ވަރުގަދަ ގޭމިން އިކޯސިސްޓަމެއް ބިނާކުރަމުންނެވެ.
މިހާރު ދިވެހިރާއްޖޭގައި 4،000 އަށް ވުރެ ގިނަ އެކްޓިވް ކޮމިއުނިޓީ މެމްބަރުން ތިބިއިރު، ސްޕޮންސަރުންނާއި މުބާރާތްތަކުގެ ލައިނަޕް ބޮޑުވަމުން އަންނަކަން ފާހަގަކުރެވެ އެވެ. މިކަމުގެ ސަބަބުން ދިވެހިރާއްޖެ އަކީ ގްލޯބަލް އީސްޕޯޓްސް މައިދާނުގައި ވަރަށް އަވަހަށް ސީރިއަސް ވާދަވެރިއަކަށް ވެގެންދާނެ ކަމަށް ބެލެވެ އެވެ.
ޕަބްޖީ މޯބައިލް އިން ދިވެހިރާއްޖޭގެ އީސްޕޯޓްސް މަންޒަރަށް ގެނެސްދީފައިވާ މި ބަދަލާ ގުޅިގެން، ޔޫތް މިނިސްޓްރީން ވަނީ މި ދާއިރާ ތަރައްގީ ކުރުމަށް އިތުރު ސަމާލުކަމެއް ދޭނެ ކަމަށް ބުނެފަ އެވެ. އަދި މިކަމުގެ ސަބަބުން ޒުވާނުންނަށް އިތުރު ވަޒީފާގެ ފުރުސަތުތަކެއް ހުޅުވިގެންދާނެ ކަމަށްވެސް އެ މިނިސްޓްރީން ބުނެފައިވެ އެވެ.
