ގާނޫނާއި ގަވާއިދާ ހިލާފަށް ދުންފަތް ރާއްޖެ އެތެރެކޮށް ވިޔަފާރިކުރާކަމަށް ތުހުމަތުކުރެވޭ މައްސަލައާ ގުޅިގެން އުމުރުން 46 އަހަރުގެ ބަންގަލަދޭޝް ރައްޔިތެއްކަމަށްވާ އަބްދުލް ކަރީމް ހައްޔަރުކުރީ މިދިޔަ މަހުގެ 24 ވަނަ ދުވަހުއެވެ.
އޭގެ ފަހުން އޭނާގެ ބަންދަށް ޖެހި 15 ދުވަސް ހަމަވުމުން ކޯޓުން ވަނީ އޭނާގެ ބަންދަށް އަނެއްކާވެސް 15 ދުވަސް އިތުރުކޮށްފައެވެ.
ސިނގިރޭޓް އެތެރެކުރި މީހާ
ބަންދުގެ މަޖިލީހުގައި ވާހަކަ ދައްކަމުން ކަރީމް ބުނީ ސިނގިރޭޓް ކާޓޫނު ތަކަކީ އޭނާއަށް މީހަކު ގުޅާ ހަވާލުކުރި އެއްޗެއްކަމަށެވެ. އެހެންނަމަވެސް އެއީ ކާކުކަން އޭނާއަށް މިހާތަނަށް ބުނެދެވިފައި ނުވާކަމަށް ފުލުހުން ވަނީ ބުނެފައެވެ.
ފުލުހުން މި މިހާ ހައްޔަރުކުރީ ތިލަފުށި ބޯޓުޔާޑުގައި އޮތް ދޯންޏެއްގެ ތެރެއިންނެވެ. އަދި އެ ދޯނި ބަލައި ފާސްކުރިއިރު ގަވާއިދާ ހިލާފަށް ރާއްޖެ އެތެރެކޮށްފައިވާ ކަމަށް ތުހުމަތުކުރެވޭ، މެންޗެސްޓަރ ބްރޭންޑުގެ 32 ކާޓޫނު ސިނގިރެޓް ފެނިފައިވާކަމަށް ފުލުހުން ވަނީ ބުނެފައެވެ.
