ވާނުވާ ބަންދަށް ހައްލެއް ހޯދައިދިނުމުގެ ގޮތިން ޓެގު އަޅުވާފައި އެމީހުން ދޫކުރަން ސަރުކާރުން ފެށީ މިދިޔަ މަހުގެ 28 ގައެވެ.
ޕީޖީ އޮފީހުން ބުނީ އިލެކްޓްރޯނިކް މޮނިޓަރިން ނުވަތަ ޓެގު އެޅުވުމަށްފަހު ބަންދުން ދޫކޮށްލަން ޖުމުލަ 121 މީހަކު ވަނީ އެދިފައިވާކަމަށެވެ. އޭގެތެރެއިން 9 މީހަކު މުޖްތަމައުގެ ތެރެއަށް ދޫކޮށްލާފައިވަކަމަށް ޕީޖީން ބުނެއެވެ. އަދި އެސެސްމަންޓް ހެދުމަށްފަހު 20 މީހަކު ދޫނުކުރަން ނިންމަފައިވަކަމަށްވެސް ޕީޖީ އޮފީހުން މިއަދު ވަނީ ބުނެފައެވެ.
ބާކީ ތިބި 92 މީހުން ދޫކޮށްލުމުގެ ކުރިން އެމީހުންގެ ފަރާތުން މުޖުތަމައަށް ނުރައްކާ އޮތް މިންވަރު ބެލުމަށް ފުލުހުން ހަދަން ޖެހޭ އެސެސްމަންޓްތައް ހަދަމުން އަންނަކަމަށް ފުލުހުން ވަނީ ބުނެފައެވެ.
ޓެގު އެޅުވުމަށް ފަހު ބަންދުން ދޫކޮށްލި 9 މީހުންގެ މައްޗަށް ތުހުމަތުކުރާ ކުށުގެ ބާވަތްތައް ޕީޖީ އޮފީހަކުން ނުބުނެއެވެ. އެހެންނަމަވެސް މިހާތަނަށް ދޫކޮށްލި މީހުންގެ ތެރޭގައި މަސްތުވާތަކެތި ޓްރެފިކް ކުރުމުގެ މައްސަލަތަކުގައި ބަންދުކޮށްފައި ތިބި ބައެއް މީހުން އެބަ ތިބިއެވެ.
