މި ފޯރަމްގައި ރާއްޖެ ތަމްސީލްކުރީ ޓޫރިޒަމް މިނިސްޓްރީ އަދި މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) ގެ ފަރާތުންނެވެ.
މި ފޯރަމްގެ މައިގަނޑު މަގްސަދަކީ ތިން ގައުމުގެ ދެމެދުގައި ޓޫރިޒަމްގެ ދާއިރާއިން ގުޅުން ބަދަހިކޮށް، އެއްބާރުލުން އިތުރުކުރުމެވެ.
ދިވެހި ވަފުދުން ފޯރަމްގައި ސަގާފީ ޓޫރިޒަމާ ގުޅޭގޮތުން މަޝްވަރާކޮށް، ތިން ގައުމުގެ މެދުގައި ވަރުގަދަ ގުޅުމެއް ގާއިމްކުރުމަށް މަގުފަހިކުރާނެ ގޮތްތަކާ މެދު ވާހަކަދެއްކިކަމަށް ޓޫރިޒަމް މިނިސްޓްރީން ބުންޏެވެ.
ޓޫރިޒަމް މިނިސްޓްރީގެ ތަފާސްހިސާބުތަކުން ދައްކާގޮތުން އަހަރުގެ މިހާތަނަށް ރާއްޖެއަށް 1 މިލިއަން ޓޫރިސްޓުން ޒިޔާރަތްކޮށްފައިވާއިރު، މިއަހަރު ރާއްޖެއަށް 2.3 މިލިއަން ޓޫރިސްޓުން ގެނައުމަށް ވަނީ އަމާޒުހިފާފައެވެ. މި ފޯރަމްގެ ސަބަބުން ދިވެހިރާއްޖޭގެ ޓޫރިޒަމް ދާއިރާއަށް އިތުރު ކުރިއެރުންތަކެއް ލިބޭނެކަމަށް ޓޫރިޒަމް މިނިސްޓްރީން ބުނެއެވެ.
