މަތީ އަރުތަވެރިންގެ އިނާމު ދިނުމަށް ރޭ ބޭއްވި ޖަލްސާގައި ވާހަކަ ދައްކަވަމުން މިނިސްޓަރު ވިދާޅުވީ އޭލެވެލްއަށް ކިޔަވާ ކުދިންގެ އަދަދު އިތުރުކުރަން ޖެހޭ ކަމަށެވެ.
ފަސް ދަންފަޅިއަކަށް ބަހާލައިގެން ހޮނިހިރާއި އާދީއްތަ ދުވަހު، ސޯޝަލް ސެންޓަރުގައި ކުރިއަށް ގެންދިޔަ 2022/2023 މަތީ އަރުތަވެރިންގެ އިނާމު ދިނުމަށް ބޭއްވި ޖަލްސާގައި ރޭގެ ފަހު ދަންފަޅީގައި ވާހަކަ ދައްކަވަމުން މިނިސްޓަރު ވިދާޅުވީ އޭލެވެލްއަށް ކިޔަވާ ކުދިންގެ އަދަދު އިތުރުކުރަން ޖެހޭ ކަމަށާއި، އެކަމަށް މި ސަރުކާރުން ފެށި ޕައިލެޓް ޕްރޮޖެކްޓުގެ ސަބަބުން ރާއްޖޭގައި އޭލެވެލް ކިޔަވަން ފެށި ދަރިވަރުންގެ އަދަދު 38 ޕަސެންޓު އިތުރުވެފައިވާ ކަމަށެވެ.
އެކަން އަޖުމަ ބެލުމަށްޓަކައި އަތޮޅުތަކުގައި އޯލެވެލް ހަދާ 23 ސްކޫލެއްގެ ގްރޭޑު 10 ނިންމި ހުރިހާ ދަރިވަރުންނަށް އޭލެވަލް ކިޔެވުމުގެ ފުރުސަތު ދިނުމަށްޓަކައި ކަނޑައެޅި މިންގަނޑަކީ ދެ މާއްދާއިން ފާސްވުމެވެ. އެ ޕްރޮގްރާމާއެކު އޭލެވަލް އަށް ކިޔަވަން ފުރުސަތު ދެވުނު ދަރިވަރުންގެ އަދަދު 38 ޕަސެންޓަށް އަރާފައިވާ ކަމަށް ޝަފީއު ވިދާޅުވި އެވެ.
މިއަހަރު އެ ޕްރޮގްރާމު މާލޭގައި ވެސް ފެށުމަށް ނިންމައިފަ އެވެ. އޭރުން މާލޭ ސްކޫލްތަކުން މި އަހަރު އޯލެވެލް ހެދި ދަރިވަރުން ދެ މާއްދާއިން ފާސްވެއްޖެ ނަމަ 11، 12 އަށް ކިޔެވުމުގެ ފުރުސަތު ދޭނެ އެވެ.
އޭލެވެލް ކިޔަވާ ކުދިންގެ އަދަދު އިތުރު ކުރުމަށް މި ސަރުކާރުން ވަނީ އޯލެވެލްގެ ތިން މާއްދާއިން ނުވަތަ އެއް މާއްދާއިން ފާސްވާ ކުދިންނަށް ވެސް ފުރުސަތު ދީފަ އެވެ.
މިނިސްޓަރު ވިދާޅުވީ މިދިޔަ އަހަރު ޔުނިވާސިޓީތަކަށް ވަދެވޭ ވަރަށް އޭލެވެލްއިން ފާސްވި ކުދިންގެ އަދަދު އޭގެ ކުރީ އަހަރަށްވުރެ 106 ދަރިވަރުން އިތުރުވެފައިވާ ކަމަށެވެ.
