ނަޝީދު އެމްޑީޕީއާ އަލުން ގުޅުމަށް ބޭއްވި ޖަލްސާ އޮތީ ރޭ ސަލްޓަން ޕާކުގައެވެ. މި ޖަލްސާއަށް މާގިނަ ބަޔަކު ނުދެއެވެ. އަދި މި ޖަލްސާގައި ކުރީގެ ރައީސް އިބްރާހީމް މުހައްމަދު ސާލިހްވެސް ވަޑައިނުގަންނަވައެވެ.
މިކަމާއި ގުޅިގެން އެމަނިކިފާނުގެ ކޮއްކޮ ރައްޔިތުން މަޖިލީހުގެ ކުރީގެ ހުޅުމާލެ ދާއިރާގެ ކުރީގެ މެމްބަރު އަލީ ނިޔާޒު އެކްސްގައި ކުރެއްވި ޕޯސްޓެއްގައި ވިދާޅުވީ ޖަލްސާގައި ރައީސް އިބޫއަށް ބައިވެރިވެޑައި ނުގެންނެވުނީ މިވަގުތު ރާއްޖޭގައި ވަޑައިގެން ނޫޅުއްވާތީކަމަށެވެ. އިބޫގެ ޕެކްޝަނުން ނަޝީދު ގުޅުނު ޖަލްސާއަށް ނުދާން ނިންމިކަން ބުނެ ދެކެވުނު ވާހަކަތައްވެސް ނިޔާޒު ވަނީ ދޮގުކުރައްވާފައެވެ.
ނަޝީދު އަލުން އެމްޑީޕީއާ ގުޅެން ބޭއްވި ޖަލްސާގެ ތެރެއިން
އެމްޑީޕީން ވަކިވިތާ ދެއަހަރު ފަހުން އަލުން ނަޝީދު އެމްޑީޕީއާ ރޭ ގުޅިވަޑައިގަތީ އެމަނިކުފާނު އިސްވެ ހުންނަވާ އުފެއްދެވި ޑިމޮކްރެޓްސްގެ މެމްބަރުންނާއި ވެސް އެކުގައެވެ. ރައީސް ސާލިހާ ރައީސް ނަޝީދާއި އުފެދުނު ހިޔާލު ތަފާތުވުންތަކަށް ފަހު ރައީސް ނަޝީދު އެމްޑީޕީން ވަކިވެޑައިގެން ޑިމޮކްރެޓްސް ޕާޓީއަށް ސޮއިކުރެއްވި ޖަލްސާގައި އެމްޑީޕީ ރޫޅާލާނެ ކަމުގެ އިންޒާރުވެސް ނަޝީދު ދެއްވިއެވެ.
ނަޝީދު އަލުން އެމްޑީޕީއާއި ގުޅުވަޑައިގަތީ އަންނަ ރިޔާސީ އިންތިހާބުގައި ވާދަކުރައްވާނެކަން އިއުލާންކުރެއްވުމަށްފަހުއެވެ. އަދި ރައީސް ސާލިހްވެސް ވަނީ އަންނަ ރިޔާސީ އިންތިހާބުގައި ވާދަކުރައްވާނެކަން ހާމަކުރައްވާފައެވެ. އިންތިހާބުގައި ވާދަކުރަން ނިންމިކަން ރައީސް ސާލިހް އިއުލާންކުރެއްވީ ނަޝީދު އަލުން އެމްޑީޕީއަށް ގުޅެން ނިންމާ އެކަން އިއުލާންކުރިތާ ދެ ދުވަސްތެރޭގައެވެ.
